وزیراعظم تون طالبان ڈل انا اوڑدہی نا خبر تیٹی ہچ ءُ راستکی اس اف
اسلام آباد ۔ 04اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم تون طالبان ڈل انا ہچ ءُ اوڑدہی اس متنے ، دارداٹ نشر و شینک مروک آ خبر آتے ٹی ہچ ءُ راستکی اس اف ۔ جمعہ نادے تینا ٹویٹ اٹی اوپارے کہ طالبان پولیٹیکل کمیشن نا ڈل اتون تدوک آ دے دفترخارجہ ٹی مذاکرات نا اڈتننگ مفاہمتی عمل کن نیک شگون ءِ، دا عمل دا ہیت انا شاہدی ءِ کہ پاکستان مدام علاقائی و جہانی امن کن مثبت چاگڑد ودی کننگ اٹ بھلو کڑداس ادا کرینے ۔ اوپارے کہ تدوک آدے طالبان ڈل انا وزیر خارجہ تون اوڑدہی ہندا چرجوئی نا کڑی ا س ئس، اومیت اٹی اُن کہ داڑان زوت مثبت بھرم دوئی مریک ۔
