کوءٹہ ۔ 03اکتوبر (اے پی پی) ترجمان حکومت بلوچستان لیاقت شاہوانی پارینے کہ بلوچستان نا شونداری و شونہالی کن ہردم کوشست کننگ اُن اولیکو وار بنجائی پی ایس ڈی پی ٹی حقی نمائندگی ملنگ وزیراعلیٰ بلوچستان جام کمال خان نا انتھک خواری و کوشست آتا بھرم ءِ ۔ ترجمان صوبائی حکومت پارے کہ داسہ وخت بسنے کہ بلوچستان پاکستان نا اقتصادی شونداری ٹی تینا پبی کڑد ءِ ادا کے، گوادر پورٹ انا پورو فعالی آن صوبہ ٹی نئے بیرہ معاشی سرجز آک ترند مریرہ بلکن ہمسایہ ملک آتے کن ہم واپار نا کسرآک آوار مریرہ، صوبائی حکومت صوبہ نا شونداری و سوگوی کن غٹ تر ممکنہ گام گیج کننگ ءِ حکومت جان جوڑی و تعلیم آ خصوصی چکار کننگ ءِ تانکہ ویل آک اولیتی بنداو تیا ایسر مننگ کیر، ترجمان لیاقت شاہوانی پارے کہ تعلیم نا گچینی کن صوبائی بجٹ اٹی بھلوزراس جتا کننگانے تانکہ ورناک تعلیم نا زیورآن آراستہ مننگ کیر انتئے کہ حکومت چاہک کہ صوبہ نا شونداری تعلیم نا سوب آن ممکن ءِ ۔
