کوءٹہ ۔ 03اکتوبر (اے پی پی) گورنر بلوچستان امان اللہ خان یاسین زئی پارینے کہ صوبہ بلوچستان اٹی اینو ہم لکھ آ مخلوق نا معاشی سیبو کشت وکشار ولائیو اسٹاک آٹے ۔ دارداٹ اگہ لائیو اسٹاک نا واپار و تعلقدار بشخ آتے شون تننگے تو بلوچستان مچ آ ڈیہہ ٹی مالداری نا اہم وت اس جوڑ مننگ کیک ۔ اوپارے کہ صوبہ ٹی کشت وکشار و مالداری نا بشخ آتے گچین وسیلہ و جامع ڈٹ بندی نا کمک اٹ ساڑی وارخواہی و روشنا گمان تے پبی وڑاٹ کاریم اٹ اتنگ مریک ہراڑان ہڑتوم آ بشخ آک صوبہ کن کٹیا نا اہم ءُ ذریعہ اس ہم جوڑ کننگ مریک ۔ داخیال آتا درشانی ءِ او پنچ شنبے نادے یونیورسٹی آف بلوچستان کیسوب سینٹر واقع بروری روڈ انا دورہ ءِ کننگ نا وخت آ کرے ۔ کیسوب سینٹر نا ڈائریکٹر ڈاکٹر طارق کیانی کیسوب سینٹر نا کارکڑدگی نا بابت سرجم حوال تس ۔ مون تروک مشکل آتیان معلومدار کرے و آخبت خڑک اٹی وسعت ودی کننگ نا گمان آتا بابت پارے ۔ گورنر بلوچستان اونا مچ آ ٹیم انا کوشست آتا ستاءِ کرے و پین جاست وپاست و شونداری آ چکار کننگ نا پارت کرے ۔ داوخت آ وائس چانسلر آف بلوچستان یونیورسٹی پروفیسر علیم مینگل و وائس چانسلر آف بلوچستان یونیورسٹی (اکیڈمک) ڈاکٹر معصود تاج ئسک ہم ساڑی ئسر ۔
