اسلام آباد ۔ 3 اکتوبر (اے پی پی) مزن وزیر عمران خان ءَ کلانہ ایں نیک راھی سکالر علامہ شہنشاہ حسین نقوی ءَ پنچ شمبے ءِ روچ ءَ ادا گند ءُُ نند کت ۔ گند ءُُ نند ءِ تہ ءَ بنجاھی وزیر زرّی کار علی زیدی ءُُ مزن وزیر ءِ ھاسیں کمکار زلفی بخاری ھم ساڑی ات ۔ مزن وزیر ءِ میڈیا کارگس ءِ نیمگ ءَ چہ جاڑی بوتگیں بیان ءِ رد ءَ اے موہ ءِ سر ءَ علامہ شہنشاہ حسین نقوی ءَ نیکیں واھگ ءُُ واھشت آنی درشان کنان ءَ مزن وزیر ءَ را امام علی رضا ءِ زانشت داتگیں دعا ءِ نیک ءِ ٹیکی دات ۔ آئی ءَ مزن وزیر پاکستان ءِ اقوام متحدہ ءَ میاں استمانی تک ءَ جوانیں نماھندگی کنگ، گیش ودوکیں اسلام فوبیا ءُُ مسلمان آنی ڈلگچاری سرج میں سرڈگار ءِ سر ءَ ، سہرا کنگ ءِ پد ءَ لاءک ءِ ستا ءُُ توسیپ پیش کت ۔ آئی ءَ گوشت کہ ھاسیں رنگ ءَ کشمیر ءَ مسلمان آنی لگت مالی ءِ ھوالگ ءَ جوانیں رنگ ءَ دگنیا ءِ دیم ءَ سہرا کتگ انت ، ایشی یے درور 70سال ءِ راجدپتر ءَ نہ رس ایت ۔ ایشی ءَ ابید پاکستان ءِ ادارگ آنی تہ ءَ مزن وزیر ءِ سروکی کانود ءِ سروکی ءَ گہتر یں رنگے ءَ بوھگ ءِ پد ءَ مزن وزیر ءِ کوشست آناں ساڑات ۔ گند ءُُ نند ءِ تہ ءَ بیگواھیں مردم آنی ھوالگ ءَ باست ءُُ واست کنگ بوت، کانود ءُُ آرٹیکل 227ءِ برجائی ءِ جیڈھ ءِ سر ءَ ھم گپ ءُُ تران کنگ بوت ۔ علامہ شہنشاہ نقوی ءَ مزن وزیر ءِ ملکی ایمنی ءُُ آزاتی ءَ لیکہ آنی درشان ءِ ھوالگ کتگیں گامگیج آناں ھم ساڑات ۔
