مزن وزیر عمران خان ءَ گوں مصر ءِ نامداریں کاروباری سروک آنی ڈل ءَ گوں گند ءُُ نند

اسلام آباد ۔ 3 اکتوبر (اے پی پی) مزن وزیر عمران خان ءَ گوں مصر ءِ نامداریں کاروباری سروک آنی ڈل ءَ پنچ شمبے ءِ روچ ءَ ادا گند ءُُ نند کت ۔ گند ءُُ نند ءَ مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ، مزن وزیر ءِ ھاسیں کمکار ذوالفقار عباس بخاری، چیئرمین نوکیں پاکستان ہاءوسنگ اتھارٹی لیفٹیننٹ جنرل (ر) انور علی حیدر، چیئرمین سرمایہ کاری بورڈ زبیر گیلانی ءُُ پاکستان ءَ مصر ءِ سفیر احمد فضل یعقوب ھم ساڑی ات ۔ ڈل ءَ مزن وزیر عمران خان ءِ ویژن ءُُ حکومت ءِ کاروبار دوستیں پالیشی آنی سر ءَ سرج میں دل یکیمی ءِ درشان کنان ءَ گوشت کہ مصر ءِ کمپنی پاکستان ءَ گس آنی جوڑیشت، ھاٹیگ، جان سلامتی ءُُ ایندگر شوبگ آنی تہ ءَ سرمایہ کاری ءَ واھگ دار ایت ۔ ڈل ءَ گوشت کہ مصر ءِ الس ءُُ کاروباری تبک ءِ مردم مزن وزیر عمران خان ءِ ویژن ءُُ آئی ءِ جوانیں رھشونی ءَ چہ دل یکیم انت ءُُ آ نوکیں پاکستان ءِ ویژن ءَ را پکوئیں رنگ دیگ ءَ وتی بھر ءَ مان کنگ لوٹاں ۔