سی پیک نا رداٹ جاری توانائی نا ڈٹ آتیا پیش رفت نا جاچ
اسلام آباد ۔ 03اکتوبر (اے پی پی) وزیر توانائی عمر ایوب خان تون چین نا سفیر یاءو جنگ اسلام آباد اٹی اوڑدہی کرے و پاکستان چین اقتصادی راہداری آ گپ و تران تون اوار معیشت نا چندی بشخ آتے ٹی زرکاری نا وارخواہی تا جاچ ءِ ہلکر ۔ سیکرٹری پاور عرفان علی و پاور ڈویژن نا ایلو بڑزکو آفیسر آک ہم اوڑدہی ٹی ساڑی ئسر ۔ وزیر توانائی پارے کہ پاکستان اٹی توانائی نا بشخ اٹی درملکی زرکاری نا خاطر خواہ وارخواہی ارے ہرافتیان چینی زرکارآک ہم پبی فائدہ ہرفنگ کیرہ ۔ اوپارے کہ حکومت ملک اٹی زرکاری ءِ مون آ دننگ کن درملکی زرکارآتے است چکوک آسراتی تننگ ءِ، زرکار دوست کاروباری پالیسی تا کمک اٹ کاروبار کن آسان چاگڑد نا دوئی کننگ ءِ المی کننگ انگ ءِ ۔ چینی سفیر یاءو جنگ پارے کہ چینی زرکارآک پاکستان اٹی ، خاص کر بنداوی پنجر، توانائی و گڑاجوڑ کننگ تون اوار چندی بشخ آتے ٹی زرکاری ٹی است خواہی تخرہ ۔ اوڑدہی ٹی سی پیک نا رداٹ جاری توانائی نا ڈٹ آتیا پیش رفت ناہم سرجم جاچ ءِ ہلنگا ۔
