اسلام آباد ۔ 03اکتوبر (اے پی پی) بنجائی وزیر امور کشمیر و گلگت بلتستان علی امین گنڈاپور پارینے کہ بنجائی حکومت گلگت بلتستان نا شونداری کن پبی کوشست کننگ ءِ، مشکل معاشی حالیت آتیان پد ہم گلگت بلتستان نا شونداری ڈٹ آتا فنڈ آتا فراوانی ءِ المی کننگ انگ ءِ ۔ او پنچ شنبے نادے آ سکردو ٹی چندی مکاتب فکر انا عالم آتون گپ و تران کریکہ ۔ گلگت بلتستان نا عالم دینک بنجائی وزیر ءِ گلگت بلتستان ءِ مون تروک ویل آتیان معلومدار کریر ۔ بنجائی وزیر امور کشمیر و گلگت بلتستان علی امین گنڈاپور پارے کہ گلگت بلتستان نا شونداری، شونہالی وامن اٹی عالم دین تا کلیدی کڑد اسے ۔ اوپارے کہ حکومت گلگت بلتستان نا الس نا ویل آتے اولیتی بنداو تیا ایسر کننگ ءِ ۔
