اسلام آباد ۔ 03اکتوبر(اے پی پی) بنجائی وزیر امور کشمیر و گلگت بلتستان علی امین خان گنڈاپور چلاس بس شکست اٹی اسہ ہی خاہوت نا تپاخت کروک آ پنچ بندغ نا خاہوت آتون ڈکھ و غم نا درشانی ءِ کرسا پارینے کہ ڈکھ انا داساہت اٹی پاکستان نا حکومت و الس اوفتے تون سلوک ءِ ۔ بنجائی وزیر پنچ شنبے نادے آ سکردو نا نواحی قصبہ گیول آ سرمس ۔ گورنر گلگت بلتستان راجہ جلال حسین ہم اوڑتون اوار ئسک ۔ بنجائی وزیر چلاس بس شکست اٹی اسہ ہی خاہوت نا تپاخت کروک آ پنچ بندغ آتا خاہوت تون ہڑزخواہی کرے ۔ اوپارے کہ حکومت زہمی خاہوت نا ہروڑ امداد ءِ کیک ۔ بنجائی وزیر تپاخت کروک آ بندغ آتے کن فاتحہ خوانی ہم کرے ۔
