اسلام آباد ۔ 2 اکتوبر (اے پی پی) صدر مملکت ڈاکٹر عارف علوی موسمی مٹ ءُُ بدلی آں گوں گر دار ءِ واستہ سرپدی پیداک کنگ ءِ ضلورت ءِ سر ءَ زور پر دیان ءَ گوشت کہ ملک ءِ کاروباری شوبگ ءَ را ھم موسمی مٹ ءُُ بدلی جاور آنی کم کنگ ءِ واستہ جوانیں کرد پیلو کنگ لوٹ ایت ۔ اے ھیالانی درشانی آئی ءَ اوورسیز انویسٹر چیمبر آف کامرس اینڈ انڈسٹری (او آئی سی سی آئی) ءِ چیر دستی ءَ برجم داشتگیں دیوان ءَ گوں گشتانک دیان ات ۔ آئی ءَ مزن وزیر عمران خان ءَ را 27ستمبر ءَ نیویارک ءِ اقوام متحدہ ءِ جنرل اسمبلی ءِ 74 دیوان ءِ گشتانک ءِ ھوالگ ءَ گوشت کہ مزن وزیر عمران خان ءَ گلوبل وارمنگ ءِ جیڈھ ءِ سر ءَ ھم گپ کتگ ۔ آئی ءَ گوشت کہ امیر ءُُ گریب ءِ نیام ءَ پرک دگنیا ءَ چارمی صنعتی آشوب ءِ سبب ءَ چہ گیش بوتگ، ملٹی نیشنل کمپنیز ءِ سر ءَ سبزکرائیبرز آنی ھوالگ ءَ زمہ واری بیت انت ۔ آٗی ءَ گوشت کہ گہتریں آیوکیں باندات ءِ واستہ کاروبار ءِ شوبگ ءَ چاگردی زمہ واری ارزشتی بنت انت ۔ آئی ءَ او آئی سی سی آئی ءِ باسک آنی نیمگ ءَ چہ کتگیں چاگردی گامگیج آناں ساڑات ۔ آئی ءَ گوشت کہ استیں حکومت کاروبار ی پڑ ءَ آسانی پیداک کنگ ءِ واستہ جوانیں گامگیج کنگ ءَ انت ایشی ءَ چہ ملک ءَ سرمایہ کاری کئیت ۔ آئیءَ ورلڈ بینک ءِ استیں رپورٹ ءِ ھوالگ ءَ تران کنان ءَ گوشت کہ پاکستان کاروبار ی پڑ ءَ آسانی پیداک کنگ ءِ ھوالگ ءَ 20 جوانیں کار کرد پیلو کنوکیں معیشت آنی تہ ءَ یک ات ۔
