کشمیر بھارت ءِ توکی جیڈھ ءِ نہ ات، سلامتی کونسل ءِ ایجنڈا ٓنی رد گیوار بوھوکیں جیڈھ ات
اسلام آباد ۔ 2 اکتوبر (اے پی پی) صدر مملکت ڈاکٹر عارف علوی ءَ گوشت کہ بھارت ءِ نیمگ ءَ گیر کانودی ءُُ مقبوضہ کشمیر ءِ استیں بستار ءُُ ایشی ءِ آباتی ءِ رد ءَ را مٹ کنگ ءِ گامگیج اقوام متحدہ ءِ سلامتی کونسل ءِ منوگری، میاں اوستما نی کانود ءُ ایشی ءِ وتی سوگند آنی ھلاپ انت، جموں کشمیر بھارت ءِ توکی جیڈھ ءِ نہ ات، ایش اقوم متحدہ ءِ سلامتی کونسل ءِ ایجنڈا آنی سر ءَ کوھنیں گیوار بوھوکیں میاں اوستمانی جیڈھ ات ۔ اے ھیالانی درشانی آئی ءَ ملائیشیا ءِ پارلیمنٹ ءِ ایوان ءِ نماھندگ آنی ڈل ءَ گوں تران کنان ءَ کت اے ڈل ءِ تہ ءَ سپیکر سری داتو محمد عارف بن یوسف ءِ سروکی ءَ چار شمبے ءِ روچ ءَ ادا ایوان ءِ صدر ءَ آئی ءَ گوں گند ءُُ نند کت ۔ قومی اسمبلی ءِ سپیکر اسد قیصر ھم اے موہ ءِ سر ءَ ساڑی ات ۔ صدر ءِ مملکت ءَ ڈل ءَ را گوشت کہ بھارت ءَ مقبوضہ کشمیر ءَ 9لکھ اُرد ڈیوٹی ءَ جتگ، 5اگست ءَ چہ لس مردم کرفیو ء سبب ءَ بندی انت ۔ بالی رابطہ مھتل انت ءُُ وردن ءُُ وراک ءُُ درمان آنی سک باز ضلورت انت ۔ آئی ءَ گوشت بنی آدمی ھک آنی ھرابیں جاور ھال انت ایشی ءَ چہ ایمنی ءُُ سلامتی باز بیم ناک انت ۔
