اسلام آباد۔ یکم اکتوبر (اے پی پی) صدر مملکت ڈاکٹر عارف علوی ءَ گوشت کہ چاگرد ءِ ھمزوریں تبک ءِ ھیال دارگ ریاست ءِ ارزشتی ایں زمہ واری انت، مارا درستاناں اے نیکیں کار ءِ تہ ءَ یک مشت بوھگ ءُُ کار کنگی انت، ریاست مدینہ ءِ رنگ ءَ اسلامی گہبودی ریاست ءِ برجائی مزن وزیر عمران خان ءِ وژن ءِ رد ءَ انت، پاکستان ءَ وتی سکیں ساھت دیستگ انت، نوں ما نوکیں پاکستان ءِ نیمگ ءَ سفر کنگ ءَ آں، ملکی دیمروئی ءِ واستہ نوکیں زمانگ ءِ ھیل کاری المی انت۔ اے ھیالانی درشانی آئی ءَ ایوان ء، صدر ءَ سیلانی ویلفیئر ٹرسٹ ءِ چیر دستی ءَ فیصل آباد ءِ آئی ٹی نودر بر آناں سند ءِ بھر ءُُ بانگ ءِ ساھت ءَ گشتانک دیان ءَ کت۔ صدر ءِ مملکت ءَ گوشت کہ جوانیں کار آنی سیادی گوں اسلامی چاگرد ءَ است انت، اللہ ءِ کشک ءَ ھرچ کنوک آنی زندمان ءَ را مُدام شات بوھگ ءَ دیستگ، دین ءِ اسلام مارا نرم دلی ءِ سبک ءَ دنت، مزنیں مردم آنی تہ ءَ غرور نہ بیت بلکینلگ ءَ ایشاناں پسو دیگ ءِ ترس بیت۔ ٹوھیں سروک مُدام راست گوں ءُُ سلہ ایں مردم بنت۔ صدر ءِ مملکت ءَ وردن ءُُ وراکی ءِ کمیگ ءَ چہ زھگ آنی رودگ ءِ تہ ءَ نادراھی آنی ھلاسی کنگ ءُُ زالبول آنی تہ ءَ بریسٹ کینس ءَ چہ بچگ ءِ ارزشت ءَ را ھم سہرا کت۔ اے موہ ءِ سر ءَ سیلانی ویلفیئر ٹرسٹ ءِ چیئرمین مولانا بشیر فاروقی ءَ وتی گشتانک ءَ سیلانی ویلفیئر ٹرسٹ ءِ مول ءُُ مراد ءُُ ایشی ءِ جتا جتائیں پروگرام آنی بابت ءَ سرپد کت۔ آئی ءَ گوش تکہ ما ویلفیئر ٹرسٹ ءِ فنڈ ءِ مردم آنی امانت پھم آں ءُُ سرجمیں زمہ واری ءِ گوما اسل ءِ ازمت ءَ کناں۔ آئی ءَ صدر ءِ مملکت ءِ چاگردی گہبود، وت جوڑیشتی دماگ ءُُ انفارمیشن ٹیکنالوجی ءِ زانشت ءُُ سیلانی ویلفیئر ٹرسٹ ءِ کار آنی تہ ءَ واھشت ءِ سر ءَ ایشرا لائک ءِ ستا ءُُ توسیپ پیش کت۔ مراگش ءَ صدر ءِ مملکت ءَ سیلانی ویلفیئر ٹرسٹ ءِ چیر دستی ءَ فیصل آباد ءِ آئی ٹی ءِ نودربر آناں سند ی داد دات۔
