پاکستان ءُُ امریکہ ءِ دو نیمگی تجارت ءَ ھوار جتا جتایں شوبگ آنی تہ ءَ کمک آناں گیش دیمروئی ءِ سر ءَ تپاک

اسلام آباد۔ یکم اکتوبر (اے پی پی) پاکستان ءُُ امریکہ ءَ دو نیمگی تجارت ءَ ھوار جتا جتائیں شوبگ آنی تہ ءَ کمک آناں گیش دیمروئی دیگ ءِ سر ءَ تپاک کت۔ اے تپاک نامہ امریکی کانگریس ءَ ڈیموکریٹ پارٹی ءِ باسک ہایمز ءُُ مالونے ءُُ وزیر ءِ درئی کار شاہ محمود قریشی ءِ نیام ءَ گپ ءُُ تران ءِ ساھت ءَ کنگ بوت انت، آئی ءَ سئے شمبے ءِ روچ ءَ درئی کارانی وزارت ءَ آئی ءَ گوں گند ءُُ نند کت۔ جار چین درئی کارانی کارگس ءِ رد ءَ گند ءُُ نند ءِ ساھت ءَ پاک امریکہ یکوئی، مقبوضہ جموں کشمیر ءِ جاور ھال آں ھوار وت مہ وتی واھگی کار آنی سرءَ ھیال ریچی کنگ بوت۔ پریک آں پاک امریکہ دو نیمگی تجارت ءَ ھوار جتا جتائیں شوبگ آنی تہ ءَ کمک ءِ دیمروئی ءِ سر ءَ تپاک کت۔ وزیر ءِ درئی کار ءَ گوشت کہ پاکستان امریکہ ءِ گوما دو نیمگی یکوئی آناں ھاسیں ارزشت دنت۔ دوئیں ملک آں ناشرکاری ءَ ھوار پڑ ے جیڈھ آنی گیواری ءَ یکجائی ءَ دیم پہ دیمی کتگ۔ شاہ محمود قریشی ءَ گوشت کہ بازیں پاکستانی امریکہ ءَ باز یں شوبگ آنی آنی تہ ءَ وتی ازمت آں پیلو کنگ ءَ انت۔ مقبوضہ جموں ءُُ کشمیر ءِ 80 لکھ کودکیں کشمیری آناں بھارتی لگت مالی ءَ چہ بچارینگ ءِ واستہ وتی کرد ءَ پیلو بکنت۔ شاہ محمود قریشی ءَ گوشت کہ پاکستان اوگان ایمنی کار ءَ ھوار پڑے برجائی ءِ واستہ ھواریں زمہ واری آنی چیر دستی ءَ وتی کرد ءَ پیلو کنان ءَ پیداک انت۔ مزن وزیر عمران خان ءَ طالبان ءِ گوما سول ءُُ تران آنی رد ءَ دووارگ برجا کنگ ءِ ضلورت ءِ سر ءَ زور پر دات۔ چیا کہ پڑ ءِ مھکمیں ایمنی ءِ واستہ سول ءُُ ایوکیں کشک انت۔