چیئرمین سینیٹ محمد صادق سنجرانی ءَ گوں جرمن سفیر برن ہارڈ سٹیفن شیلک ءِ گند ءُُ نند

اقتصادی ءُُ پارلیمانی رابطہ آناں گیش ودینگ ءِ ھاترا ھیال ریچی
اسلام آباد۔ یکم اکتوبر (اے پی پی)چیئرمین سینیٹ محمد صادق سنجرانی ءَ گوں جرمنی ءِ سفیر برن ہارڈسٹیفن شیلک ءَ سئے شمبے ءَ پارلیمنٹ گس ءَ گند ءُُ نند کت ایشی ءِ تہ ءَ دو نیمگی اقتصادی ءُُ پارلیمانی رابطہ آناں گیش ودینگ ءَ ابید ارزشتی ایں دمگی ءُُ میاں اوستمانی کار آنی سر ءَ ھیال ریچی کنگ بوت۔ سینٰٹ سیکرٹریٹ ءِ رد ءَ چیئرمین سینیٹ ءَ گوشت کہ دوئیں ملک آنی نیام ءَ پارلیمانی کمک آنی گیش ودینگ ءِ ضلورت انت۔ آئی ءَ گوشت کہ جرمنی پاکستان ءَ را کوالٹی کنٹرول ءِ شوبگ ءَ کمک پجاری بکنت ءُُ کوالٹی کنٹرول گہتر بوھگ ءَ چہ پاکستان ءَ دوا ءُُ درمان ءُُ وردن ءُُ وراک شرتر بنت۔ صادق سنجرانی ءَ تجارتی رابطہ آناں ارزشتی نامینان ءَ گوشت کہ دوئیں ملک آنی نیام ءَ تجارتی کمک ءِ واستہ جوانیں موہ است انت۔ آئی ءَ شور ءُُ سلاھ دات کہ پارلیمانی رابطہ کاری معاشی کمک ءَ کمکار سہرا بنت۔