اقوام متحدہ نا جنرل اسمبلی آن وزیراعظم عمران خان نا تران ءِ 8لکھ 22ہزار وار ہُننگانے، برطانوی وزیراعظم نا تران ءِ 1,50,596وار ہُننگانے

اسلام آباد۔ 01اکتوبر (اے پی پی) اقوام متحدہ نا جنرل اسمبلی نا 74می سالانہ دیوان آن وزیراعظم عمران خان نا تران ءِ یوٹیوب آ 8 لکھ 22ہزار آن زیات وار ہُننگانے ہرا ایلو جہانی راہشون تا مقابلہ ٹی بھاز زیات ءِ وخت اس کہ دافہرست اٹی بھارتی وزیراعظم نریندر مودی نا مر مر اسکان ہچ ءُ نام و نشان اس اف۔ وڈیو شیئرنگ نا بابت دنیا نا غٹ آن بھلا ویب سائٹ یوٹیوب آ وزیراعظم عمران خان نا جنرل اسمبلی ناسالانہ دیوان اٹی 27 ستمبر آ کروک آ تران ءِ 8,22,495وار ہُننگا ہرا مچ آ دنیا ٹی اونا پنی مننگ نا شاہدی اسے۔ جنرل اسمبلی نا دا دیوان آن ترک صدر رجب طیب اردوان نا تران ءِ 5,54,431وار، ایران نا صدر حسن روحانی نا تران ءِ 4,15,030، ملائیشیا نا وزیراعظم مہاتیر محمد نا تران ءِ 3,73,630، بنگلہ دیشی وزیراعظم حسینہ واجد نا تران ءِ 3,33,533، نیوزی لینڈ نا وزیراعظم جیسنڈاآرڈرن نا تران ءِ 2,27,502و برطانوی وزیراعظم بورس جانسن نا تران ءِ 1,50,596وار ہُننگانے۔