نیب انا ایگزیکٹو بورڈ انا وڈی خور عنصر آتا برخلاف 4انکوائری بناکننگ، کیہی مقدمہ غاتے تعلقدار ادارہ غاتے مون تننگ و گڑاس انکوائری و جاست وپاست عدم شاہدی نا بنداو آ بند کننگ نا فیصلہ

اسلام آباد۔ 01اکتوبر (اے پی پی) قومی احتساب بیورو نا ایگزیکٹو بورڈ وڈی خور عنصر آتا برخلاف 4انکوائری بناکننگ، کیہی مقدمہ غاتے تعلقدار ادارہ غاتیا گدریفنگ و گڑاس انکوائری و انویسٹی گیشن عدم شاہدی نا بنداو آ بند کننگ نا فیصلہ کرینے۔ قومی احتساب بیورو نا ایگزیکٹو بورڈ انا دیوان قومی احتساب بیورو نا چیئرمین جسٹس جاوید اقبال نا کماشی ٹی نیب ہیڈ کوارٹر اسلام آباد اٹی اڈ ہلک۔ دیوان اٹی ڈپٹی چیئرمین نیب، پراسیکیوٹر جنرل اکاؤنٹیبلٹی، ڈی جی آپریشن، ڈی جی راولپنڈی و ایلو سینئر آفیسر آک بشخ ہلکر۔ نیب انا دا دیرینہ پالیسی ءِ کہ قومی احتساب بیورو نا ایگزیکٹو بورڈ انا دیوان نا بارواٹ سرجم آتے الس ءِ فراوان کننگے ہر وڑوڈول تدوک آ کیہی سال آن رائج ءِ ہرانا مسخت ہچ کس نا است آزاری اف۔ غٹ انکوائری و انویسٹی گیشن آتے مبینہ دوبہ غاتا بنداو آ بناکننگانے ہراکہ حتمی افس۔ نیب کانود نا رداٹ غٹ تعلقدار بندغ آتیان ہم اوفتا موقف ءِ معلوم کننگ آن پد پین کارروائی کننگ یا کپننگ نا فیصلہ کیک۔ قومی احتساب بیورو نا ایگزیکٹو بورڈ انا دیوان اٹی 04انکوائری تا منظوری ءِ تننگا۔ ہرافتے ٹی ایکسائڈ بیٹریز نا مالکان، محمد عرصلہ خان و ایلوفک، واپڈا واٹر ونگ اسلام آباد نا آفیسر و کارندہ و ایلوفک، محکمہ آبپاشی راجن پور و نشان انجینئرنگ نا آفیسر و کارندہ و ایلوفتا برخلاف انکوائری اوار ءِ۔ قومی احتساب بیورو نا ایگزیکٹو بورڈ انا دیوان اٹی سلطان علی لاکھانی و ایلوفتا معاملہ بینک اتون سیٹلمنٹ ایگریمنٹ مننگ نا سوب آن کانود نا رداٹ چٹفنگا۔ قومی احتساب بیورو نا ایگزیکٹو بورڈ انادیوان اٹی میسرز شان گروپ و ایلوفتا معاملہ بینک اتون سیٹلمنٹ ایگریمنٹ مننگ نا سوب آن کانود نا رداٹ چٹفنگا۔ قومی احتساب بیورو نا ایگزیکٹو بورڈ انا دیوان اٹی اجہ محمد ذرات خان آف میسرز بھاون شاہ گروپ آف کمپنیز کے ر و ایلوفتا برخلاف 15جتا انوسٹی گیشنز ایف بی آر ءِ کانود نا رداٹ پین کارروائی کن گدریفنگ نا فیصلہ کرے۔ قومی احتساب بیورو نا ایگزیکٹو بورڈ انا دیوان اٹی عبدالولی خان یونیورسٹی مردان نا آفیسر و کارندہ و ایلوفتا برخلاف انوسٹی گیشن چیف سیکرٹری خیبر پختونخوا ءِ پین کانودی کارروائی کن گدریفنگ نا منظوری تننگا۔ قومی احتساب بیورو نا ایگزیکٹو بورڈ انا دیوان اٹی ورکرز ویلفیئر بورڈ خیبر پختو انا آفیسران و کارندہ و ایلوفتا برخلاف انوسٹی گیشن چیف سیکرٹری خیبر پختونخوا ءِ پین کانودی کارروائی کن گدریفنگ نا منظوری تننگا۔ قومی احتساب بیورو نا ایگزیکٹو بورڈ انا دیوان اٹی سردار قیصر عباس خان مسکوہی باسک صوبائی اسمبلی پنجاب نا برخلاف کیس بورڈ آف ریونیو پنجاب ءِ پین کانودی کارروائی کن گدریفنگ نا منظوری تننگا۔ نیب انا ایگزیکٹو بورڈ عارف علی شاہ بخاری و ایلوفتا برخلاف انوسٹی گیشن وخت اس کہ صوبائی ورکرز ویلفیئر بورڈ حکومت سندھ و ایلو، وائس چانسلر فیڈرل اردو یونیورسٹی آف آرٹس سائنس اینڈ ٹیکنالوجی کراچی و ایلوفک، صائمہ بلڈرز صائمہ گروپ، شعبہ ریونیو ضلع کراچی نا آفیسر و کارندہ و ایلوفک، امیر ذادہ خان کوہاٹی پروجیکٹ ڈائریکٹر ملیر ڈویلپمنٹ اتھارٹی کراچی، ایوب فیضانی ڈی ڈی لینڈ، مراد علی جونیجو مسکوہی آفیسر ایم ڈی اے، بشارت کلرک (شاہ لطیف خان ٹاؤن سیکٹر22/F) و ایلوفک، میسرز یونس حبیب و ایلوفک، سردار ناصر عباس، سردار لال خان و ایلوفک، محکمہ ریونیو چوبارہ لیہ نا کارندہ و ایلوفتا برخلاف داوخت اسکان عدم شاہدی نا بنداو آ کانود نا رداٹ انکوائری تے بند کننگ نا منظوری ءِ تس۔ چیئرمین نیب جسٹس جاوید اقبال پارے کہ نیب ”احتساب غٹ اکن“ نا پالیسی آ سختی اٹ عمل کننگ ءِ۔ نیب ملک آن وڈی خوری نا چٹفنگ و وڈی خور عنصر آتیان پلوک آ پیسہ غاتے دوئی کننگ کن متاماری کننگ ءِ میگا کرپشن نا مقدمہ غاتے ایسر اسکان سرکننگ نیب انا نئے بیرہ اولیت ءِ بلکن داڑکن غٹ وسیلہ غاتے کاریم اٹ اتنگ انگ ءِ۔ اوپارے کہ نیب تدوک آ 22تُو اٹی 71 ارب روپئی بلواسطہ و بلاواسطہ وڑاٹ وڈی خور عنصرآتیان دوئی کرسا قومی خزانہ ٹی جمع کرفینے ہراکہ اسہ ریکارڈ سرسہبی اسے۔