پاک بحریہ نا سروک ایڈمرل ظفر محمود عباسی تون جرمن نیول چیف نااوڑدہی

اسلام آباد۔ 30 ستمبر (اے پی پی) جرمن نیول چیف پاک بحریہ نا سروک ایڈمرل ظفرمحمود عباسی تون اوڑدہی کرے ہراٹی تین پہ تینی است خواہی نامعاملہ، علاقائی سیکورٹی و ہڑتوم آ کنڈآتا بحری کمکاری آ گپ و تران کننگا۔ ترجمان پاک بحریہ نا رداٹ دوشنبے نادے جرمن نیول چیف نیول ہیڈ کوارٹر ز اسلام آباد نا دورہ ءِ کرے۔ نیول ہیڈکوارٹرآ بننگ آ پاک بحریہ ناسروک ایڈمرل ظفر محمود عباسی شرفمند آ مہمان ءِ بخیر کرے۔ شرفمند آ مہمان ءِ روایتی وڑاٹ گارڈ آف آنر پیش کننگا۔ شرفمند آ مہمان نیول ہیڈکوارٹرز اٹی یات گار شہید آتیا پھل انا چادر اس شاغا۔ پاکستان نا نیول چیف ڈیہہ نا بحری سیکورٹی ٹی پاکستان بحریہ نا کڑد ءِ مون آ تخا۔ سروک پاک بحریہ شرفمند آ مہمان ءِ پاک بحریہ نا ریجنل میری ٹائم سیکورٹی پٹرول نا گام گیج آتیان معلومدار کرے نیول چیف امن مشق آتے ٹی بشخ ہلنگ آ جرمن نیول چیف نا منت واری ءِ ہرفے۔ جرمن نیول چیف پاکستان و جرمن بحریہ نا سوگو تعلقداری تا ستاءِ کرے و آخبت اٹی اوفتے پین ودفنگ نا عزم انا درشانی ءِ کرے۔