کرتار پور راہداری نا بنائی دود اٹی بھارت نا مسکوہی وزیراعظم من موہن سنگھ ءِ بٹنگنہ، وزیر خارجہ مخدوم شاہ محمود قریشی

اسلام آباد۔ 30 ستمبر (اے پی پی) وزیر خارجہ مخدوم شاہ محمود قریشی پارینے کہ کرتار پور راہداری اسہ اہم ءُ ڈٹ اسے، وزیراعظم عمران خان ناداٹی جندی است خواہی ءِ، پاکستان سلابت آن پد دا فیصلہ ءِ کرینے کہ کرتار پور راہداری نا بنائی دود اٹی بھارت نا مسکوہی وزیراعظم من موہن سنگھ ءِ بٹنگنہ۔ دااونا دھرم ہم ارے، او سکھ کمیونٹی نا نمائندگی ءِ ہم کیک۔ دوشنبے نادے تینا اسہ ویڈیو کلہو اسے ٹی اوپارے کہ ای بطور وزیر خارجہ پاکستان سردار من موہن سنگھ صاحب ءِ سلہ خلیوہ کہ او دا بنائی دود اٹی بشخ ہلے۔ اوپارے کہ نن من موہن سنگھ ءِ نوشتہی وڑاٹ ہم سلہ نامہ اس مون تننگ اُن، نن سکھ کمیونٹی ءِ ہم سلہ خلینہ کہ او ہم دود اٹی بشخ ہلیر وبابا گرونانک نا 550 می دے انا خوشی تیٹی اوار مریر۔