وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان ناٹویٹ

زمی جمب نا زہمی تے داوخت اسکان ہزار آ تمبو، کمبل، خور انا پیکٹ، دیر انابوتل و 200 گیس سلنڈر تننگانے
زہمی تا زوت آن زوت بحالی و نسخان تا ازالہ ءِ کننگ کن آزاد کشمیر حکومت ءِ ہروڑناکمک فراوان کینہ
اسلام آباد۔ 30 ستمبر (اے پی پی) وزیراعظم نا خصوصی کمکار ڈاکٹر فردوس عاشق اعوان پارینے کہ وزیراعظم عمران خان نا پارت آ زمی جمب نا زہمی تے داوخت اسکان 4632خاہوتی تمبو، 476شیلٹر تمبو، 420 فل ٹینٹس، 6700 کمبل، 4800 خور انا پیکٹ، 800 مچھر دانی، دیر انا 5ہزار بوتل، 500 کچن سیٹ، 200زچہ و بچہ کٹس و 200 گیس سلنڈر فراوان کننگانے۔ دوشنبے نادے آ تینا ٹویٹ اٹی اوپارے کہ آزمائش نا دا ساہت اٹی زمی جمب نا زہمی تتون سلوک اُن۔ اوپارے کہ وزیراعظم عمران خان آزاد کشمیر اٹی زمی جمب انا زہمی تا ٹھپ آتیا مالم خلنگ کن زہمی تا نیام اٹ ساڑی ءِ۔ اوپارے کہ وزیراعظم ءِ ریلیف کن جاری گام گیج و بحالی نا لائحہ عمل آ حوال تننگا۔ زہمی تا زوت آن زوت بحالی و نسخان تا ازالہ کن آزاد کشمیر حکومت ءِ ہروڑ کمک فراوان کیک۔