وزیر داخلہ اعجاز احمد شاہ نا جرمنی نا سفیر تون گپ و تران

مودی نا شدت پسند دروشم دنیا نا مون آ پاش مسنے، پاکستان و جرمنی نا تعلقداریک آخبت اٹ پین گچین مریرہ
اسلام آباد۔ 30 ستمبر (اے پی پی) وزیر داخلہ اعجاز احمد شاہ پارینے کہ نن اسہ پرامن ءُ قوم اسے اُن و حق اکن توار ہرفنگ نا شعور تخنہ، مودی ثالثی و مذاکرات آ آمادہ اف، اونا شدت پسند دروشم دنیا نا مون آ پاش مسنے، پاکستان و جرمنی نا تعلقداریک آخبت اٹی پین گچین مریرہ، ننا گام گیج آتا است بڈی آ جرمن حکومت نا منت وار اُن۔ داخیال آتا درشانی ءِ او دوشنبے نادے جرمنی نا سفیر شلاگہگ برنہارڈ تون اوڑدہی ٹی کرے۔ اوپارے کہ ہڑتوم آ ملک آتا تین پہ تینی تعلقداری تیٹی بھاز گچینی بسنے۔ سیکورٹی نا حالیت آتیا پبی چکار تخانن، ننا پورو کوشست ءِ کہ اسلام آباد و پاکستان ءِ رہینگ انگ کن جوان ءُ جاگہ اس جوڑ کین۔ وزیر داخلہ پارے کہ پاکستان داوخت اسکان پرامن ایسری نا کوشست کننگ ءِ، مودی نئے تو ثالثی آ راضی ءِ و نئے ڈائیلاگ آ، اونا شدت پسند دروشم دنیا نا مون آ پاش مسنے۔ اوپارے کہ نن اسہ پرامن ءُ قوم اسے اُن و حق اکن توار ہرفنگ نا شعور تخنہ، وزیراعظم عمران خان تینا تران اٹی ہندا کلہو ءِ تس۔ وزیر داخلہ پارے کہ پاکستان و جرمنی نا تعلقداریک آخبت اٹی پین گچین مریرہ۔ داوخت آ جرمن سفیر ڈپلومیٹک انکلیو نا سیکورٹی ءِ گچین جوڑ کننگ اٹ وزیر داخلہ نا کڑد انا ستاءِ کرے۔ اوپارے کہ جرمنی نا حکومت است جم مننگ نا سوب آن شونداری ڈٹ آتیا سجفنگ ءِ۔اوپارے کہ نن پاکستان نا کانود نافذ کروک آ ادارہ غاتا ہم بھاز منت واراُن۔