وزیراعظم ایئر پورٹ آ بیا بخیر کن بروک آتا دوتے سرفسا اوفتا منت واری ءِ ہرفے

اسلام آباد۔ 29 ستمبر (اے پی پی) وزیراعظم عمران خان نا اقوام متحدہ نا جنرل اسمبلی آن تاریخی تران آن پد وطن آ پدی بننگ آ اسلام آباد ایئر پورٹ آ کابینہ نا باسک و اِراصوبہ غاتا گورنرزآک ہم ساڑی ئسر، آزاد کشمیر تون اوار مچ آ ملک آن بھلو کچ اسے ٹی کارندہ غاک ہم ایئر پورٹ آ بسر۔ یک شنبے نادے وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان، سینیٹر فیصل جاوید، وزیر ریلوے شیخ رشید احمد، بنجائی وزیر داخلہ اعجاز شاہ، وزیر دفاع پرویز خٹک، جہانگیر ترین، علیم خان، اعجاز چوہدری، گورنر خیبر پختونخوا شاہ فرمان، گورنر سندھ عمران اسماعیل، وزیر پارلیمانی امور اعظم سواتی، وزیر ڈٹ بندی و شونداری مخدوم خسرو بختیار، علامہ طاہر اشرفی، بنجائی وزیر شہریار آفریدی، باسک قومی اسمبلی علی نواز، باسک قومی اسمبلی راشد شفیق، ڈاکٹر بابر اعوان، ڈاکٹر شہزاد وسیم، فیاض الحسن چوہان، وزیر مملکت پارلیمانی امور علی محمد خان، تحریک انصاف آزاد کشمیر نا صدر بیرسٹر سلطان محمود چوہدری، و ایلوفک ہم ساڑی ئسر۔ داوخت آ بشخ ہلوک آک وزیراعظم ءِ شاندار بیابخیری اس کریر۔ ساڑی مروک آک خیرمقدمی بینرز، و پلے کارڈ ہرفیسر وخت اس کہ مچ آ ایئر پورٹ وزیراعظم عمران خان نا مخ تفی ٹی نعرہ غاتا توارپناکہ، وزیراعظم ہم ایئر پورٹ آ پراعتماد و فاتحانہ وڑاٹ پیشن آ بس و بیابخیری کن بروک آتا دوتے سرفسامنت واری ءِ ہرفے۔