وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا بالی پٹ آ وزیراعظم نا فقید المثال بیابخیری آن پد بشخ ہلوک و میڈیا نا نمائندہ غاتیان تران

اسلام آباد۔ 29 ستمبر(اے پی پی) وزیراعظم نا خصوصی کمکارحوالکاری و شین کاری ڈاکٹر فردوس عاشق اعوان پارینے کہ مچ آ قوم انا نمائندہ غاک ہراوڑاٹ وزیراعظم عمران خان نا اقوام متحدہ نا تقریر نا پذیرائی ءِ کرسا فقید المثال بخیر کریر او ستاکڑزنگ نا قابل ءِ۔ الس نا جم جوش داہیت انا پیدواری ءِ کیک کہ ہرااست اٹی مریک الس اودے تینا خن تیا تخک، اقوام متحدہ نا جنرل اسمبلی ٹی وزیراعظم عمران خان نا اسہ گھنٹہ نا تران اسلام نا نام نہاد ٹھیکیدار آتا ہنڈیا بیچ چوراہے ءِ پرغانے، ناموس رسالت آ ہرا سیاسی دوکانداری ءِ او نشان تننگ نا کوشست کریر اوفتا فلم سینما سکرین آ لگنگ آن مست ہی فلاپ مسنے، داسہ اوفتا چورن آک ہچ ءُ دوکان اسے ٹی سودا مفسہ، اسلام نا پن آ سیاسی دوکان ءِ چمکائفوک آتے کلہو ایتیوہ کہ او مون آ برسا وزیراعظم عمران خان نا پیشانی آن بُک ہلیر و تینا سیاسی مورچہ ءِ بند کرسا کشمیر نا مورچہ غا نن تون سلر۔ داخیال آتا درشانی ءِ او وزیراعظم عمران خان نا وطن آ پدی بننگ نا وخت آ بالی پٹ آ فقید المثال بیابخیری آن پد بشخ ہلوک و میڈیا نا نمائندہ غاتیان تران کرسا کرے۔