وزیراعظم جہانی برادری ءِ کلہو تسنے کہ کشمیر نا بابت ننا موقف ہچ ءُ حالیت اسے ٹی بدل مفک، بنجائی وزیر داخلہ اعجاز احمد شاہ

اسلام آباد۔ 29 ستمبر (اے پی پی) بنجائی وزیر داخلہ اعجاز احمد شاہ پارینے کہ وزیراعظم جہانی برادری ءِ کلہو تسنے کہ کشمیر نا بابت ننا موقف ہچ ءُ حالیت اسے ٹی بدل مفک، وزیراعظم عمران خان بے کچ سرسہب دورہ غان پد وطن آ پدی بسنے۔ وزیراعظم نا اقوام متحدہ نا جنرل اسمبلی آن تاریخی تران آن پد وطن آ پدی بننگ آ وزیر داخلہ اعجازشاہ پارے کہ اسلام فوبیا نا بارواٹ ہیت کرسا او پیدوار وڑاٹ پارینے کہ اسلام امن نا سبخ ایتک، دادورہ ٹی وزیراعظم پاکستان نئے بیرہ کشمیر و پاکستان بلکن اسلام نا ہم سفیر ثابت مس۔ اوپارے کہ وزیراعظم نا پرجوش تران مچ آ قوم انا کاٹم ءِ گمراٹ بڑزاکرے، ننا ہمسایہ ملکءِ داہیت انا اندازہ مسنے کہ ننا ایمان بیرہ خدانا ذات آٹے۔ بنجائی وزیر پارے کہ اینو مچ آ پاکستانی قوم گمر اٹ تینا لیڈر ءِ بخیر اٹ پارہ۔