تحریک انصاف نا راہشون و سینیٹر فیصل جاوید نا اسلام آباد انٹرنیشنل ایئر پورٹ آ گپ وتران

اسلام آباد۔ 29 ستمبر (اے پی پی) تحریک انصاف نا راہشون و سینیٹر فیصل جاوید پارینے کہ ہمووخت مر اف ہراتم پاکستان عمران خان نا ولولہ انگیز کماشی ٹی دنیا نا عظیم انگا ملک مریک، غٹ ءِ سیاسی وابستگی تیان ایڑترمرسا ملک اکن کاریم کننگ و اواری اٹ عمران خان نا پیش کروک بیانیہ ءِ دنیا اسکان دننگ نا ءِ، اونا اقوام متحدہ نا جنرل اسمبلی آن تران آن مسلمان تا کاٹم گمر اٹ بڑزا مسنے، ہمووخت مر اف ہراتم کشمیر آجو مرسا پاکستان نا بشخ جوڑ مریک۔ داخیال آتا درشانی ءِ او یک شنبے نادے اسلام آباد انٹرنیشنل ایئر پورٹ آ گپ و تران اٹی کرے۔ اوپارے کہ عمران خان اقوام متحدہ نا جنرل اسمبلی ٹی تینے نئے بیرہ کشمیر بلکن عالم اسلام نا سفیر ثابت کرے، اونا دا تاریخی تران نا مثبت زہم تمک۔ اونا پاننگ ئس کہ وزیراعظم عمران خان مچ آ دنیا نا سروک آتون اوڑدہی تیٹی کشمیر نا ویل ءِ پبی وڑاٹ تالان کرے، ہمو دے مر اف ہراتم کشمیر آجو مرسا پاکستان نا بشخ جوڑ مریک۔ اوپارے کہ ننا وزارت خارجہ ہراوڑکاریم کرے و ہراوڑ دنیا اسکان کشمیر نا ویل ءِ سرکننگا اونا مستین اٹی ہچ ءُ مثال اس ملپک، دنیا سُچا و ساف شفاف خلقت نا ہیت ءِ بِنک، ہنداسوب ءِ کہ عمران خان نا توار ءِ بِننگا۔ سینیٹر فیصل جاوید پارے کہ نن عمران خان نا وژن نارداٹ تینا نت تیا سلنگ والااُن، نن مزل نا خڑک اُن، زوت پاکستان دنیا نا عظیم ملک آتے ٹی اوار مریک۔