وزیراعظم عمران خان جدہ ٹی زرس اڈکننگ آن پد پاکستان کن رادہ مس

اسلام آباد۔ 29 ستمبر (اے پی پی) وزیراعظم عمران خان جدہ سعودی عرب اٹی زرس اڈ کننگ آن پد پاکستان کن رادہ مس۔ وزیراعظم میڈیا آفس نا رداٹ وزیراعظم اقوام متحدہ نا جنرل اسمبلی نا دیوان اٹی بشخ ہلوک آ ڈل انا کماشی ءِ کرے و نیویارک اٹی اسہ ہفتہ اس اڈ کرے۔ تینا اڈکننگ اٹ او چندی حکومت نا سروک و سیاسی راہشون آتون اوڑدہی کرے ہرافتے ٹی امریکی صدر ڈونلڈ ٹرمپ، ترکی نا صدر رجب طیب اردوان، برطانوی وزیراعظم بورس جانسن، نیوزی لینڈ انا وزیراعظم جیسینڈر آرڈن، ایران نا صدر حسن روحانی، ملائیشیا نا وزیراعظم مہاتیر محمد، اقوام متحدہ نا سیکرٹری جنرل تون اوار ایلو راہشون آک اوار ئسر۔ وزیراعظم عمران خان جہانی راہشون آتون دااوڑدہی تے جنرل اسمبلی نا 74می دیوان نا وخت آ کرے۔ وزیراعظم 27 ستمبر آ اقوام متحدہ نا جنرل اسمبلی آن تاریخی تران کرے و کشمیر، اسلاموفوبیا، گلوبل وارمنگ و منی لانڈرنگ کون آ ویل آتے سرجمی اٹ مون آ تخا۔ وزیراعظم نا تران ءِ جہانی کہو ل پبی است بڈی دوئی مسنے۔ یو این جی اے دیوان اٹی وزیراعظم عمران خان تینا دورہ امریکہ نا وخت آ چندی جہانی تھنک ٹینکس آن تران ہم کرے۔ داکان بیدس او پاکستان، ملائیشیا و ترکی نا شریداری اٹ اڈہلوک آ مذاکراہ غاتیان ہم تران کرے و جہانی میڈیا ءِ انٹرویوز ہم تس۔