محکمہ موسمیات یک شنبے آن سے شنبے ٹی ملک انا چندی علاقہ غاتے ٹی ترند تہو اتون پین پِر انا پیشگوئی کرے

اسلام آباد۔ 29 ستمبر (اے پی پی) محکمہ موسمیات یک شنبے و سے شنبے نا نیام اٹ ملک انا چندی علاقہ غاتے ٹی ترند تہو اتون پین پِرتا پیشگوئی کرینے۔ رپورٹ نا رداٹ بروک آ بیست ءُ چار گھنٹہ ٹی ملک انا بڑزکو و نیامی علاقہ غاتے ٹی پِر انا گمان ءِ، داٹی مظفر آباد تون اوار کشمیر نا غٹ ضلع غاتے ٹی جاگہ جاگہ، پنجاب نا ضلع گوجرانوالہ، نارووال، سیالکوٹ، گجرات، لاہور، سرگودھا، فیصل آباد، ساہیوال، ملتان، بہاولپور اٹی جاگہ جاگہ وخت اس کہ راولپنڈی ڈویژن نا غٹ ضلع و اسلام آباد اٹی گڑاس ہند آتیا ترند تہو و ہورہ و گروک تون پِر انا گمان ءِ۔ ہنداوڑ خیبر پختونخوا نا ضلع مانسہرہ، ایبٹ آباد، ہری پور، دیر، سوات، پشاور، کوہاٹ، بنوں، مردان، ڈی آئی خان و گلگت بلتستان نا غٹ ضلع غاتے ٹی گڑاس ہند آتیا ترند تہو و ہورہ و گروک تون پِر انا گمان ءِ۔ بلوچستان اٹی قلات و خضدار اٹی ہم گڑاس ہند آتیا ترند تہو و ہورہ و گروک تون پِر و داٹی ملتان، بہاولپور ڈویژن نا ضلع غاتے ٹی گڑاس ہند آتیا پِرانا ہم گمان ءِ ولے ملک انا ایلو علاقہ غاتے ٹی موسم باسن و پِرکپک۔ رپورٹ نا رداٹ اینو (دوشنبے نادے) مظفر آباد تون اوار کشمیر نا غٹ ضلع، بڑزکو /نیامی پنجاب نا غٹ ضلع بشمول سرگودھا، راولپنڈی، گوجرانوالہ، فیصل آباد، لاہور، گجرات، ساہیوال و اسلام آباد اٹی گیشتر ہند آتیا وخت اس کہ ملتان، ڈی جی خان نا ضلع غاتے ٹی جاگہ جاگہ و بہاولپور نا ضلع غاتے ٹی گڑاس ہند آتیا ترند تہو و ہورہ و گروک تون پِر انا گمان ءِ۔ خیبر پختونخوا نا ضلع بشمول مانسہرہ، ہری پور، ایبٹ آباد اٹی گیشتر ہند آتیا، وخت اس کہ پشاور، مردان نا ضلع غاتے ٹی جاگہ جاگہ و ایلو غٹ ضلع بشمول کوہاٹ، پاراچنار، لکی مروت، بنوں، ٹانک، ڈی آئی خان و گلگت بلتستان نا غٹ ضلع غاتے ٹی گڑاس ہند آتیا ترند تہو و ہورہ و گروک تون پِر انا گمان ءِ۔ داٹی کشمیر، بڑزکو/نیامی پنجاب، ہزارہ ڈویژن نا ضلع و اسلام آباد اٹی گڑاس ہند آتیا موسلادھار پِر انا ہم گمان ءِ۔