حکومتی پالیسی نا سوب جہانی برادری کشمیر نا تہہ نا معاملہ پاننگ آ بھارتی بیانیہ ءِ غلط تکنگ ءِ، چیئرمین پارلیمانی کشمیر کمیٹی سید فخر امام

اسلام آباد۔ 29 ستمبر (اے پی پی) پارلیمانی کشمیر کمیٹی نا چیئرمین سید فخر امام پارینے کہ تحریک انصاف نا حکومت نا گچین پالیسی تیٹی جہانی برادری کشمیر ءِ تہہ نا معاملہ اس پاننگ آ بھارتی بیانیہ ءِ غلط تکنگ ءِ۔ ریڈیو پاکستان نا اسہ پروگرام اسے ٹی گپ و تران کرسا اوپارے کہ وزیراعظم عمران خان اقوام متحدہ نا جنرل اسمبلی نا 74می دیوان اٹی کشمیری الس نا سفیر نا وڑاٹ کشمیر نا حقی حالیت آتے پیش کرے ہراڑان بھارتی وزیراعظم نریندر مودی نا آر ایس ایس ذہنیت جہانی کہول آ پاش مسنے و داسہ جہانی برادری بھارت نا دا بیانیہ ءِ غلط تکنگ ءِ کہ کشمیر اونا تہہ نا معاملہ سے۔ اوپارے کہ کشمیر ءِ جہانی کہول آ متنازعہ علاقہ اس امنا کننگانے و امریکی صدر ڈونلڈ ٹرمپ دا دیرینہ تنازعہ غا ثالثی نا پیشکش ہم کرینے، اوپارے کہ چین و روس ہم کشمیر نا معاملہ غا پاکستان نا موقف نا مخ تفی ءِ کننگ ءُ۔