وزارت مذہبی امور و بین المذاہب ہم آہنگی حج انا دے تیٹی کزیت کروک آ حاجی تا خاہوت آتے 40.95ملین روپئی نا معاوضہ ادا کیک

اسلام آباد۔ 29 ستمبر (اے پی پی) وزارت مذہبی امور و بین المذاہب ہم آہنگی حج انا دے تیٹی کزیت کروک آ حاجی تا خاہوت آتے 40.95ملین روپئی نا معاوضہ اداکیک۔ وزارت نا ذرائع ”اے پی پی“ ءِ پارے کہ اینخو نا سال حج اٹی 99 پاکستانی حاجی کزیت کرینو ہرافتا کانودی وارث آتے فی کس 5لکھ روپئی نا معاوضہ تننگک۔ دا معاوضہ غاتے حجاج محافظ اسکیم نا رداٹ تننگ انگ ءِ۔ وزارت نا ذرائع نا رداٹ دا اسکیم نا رداٹ حج آن مست ہر عازم حج آن 500 روپئی وصول کننگاکہ، دا اسکیم نا رداٹ سعودی عرب اٹی حج انا وخت کزیت کروک آ حاجی تا کانودی وارث آتے فی کس 5لکھ روپئی نا معاوضہ ادا کننگک وخت اس کہ شکست نا حالیت اٹ اسہ جسمانی عزوہ سے نا نسخان آ 1لکھ 50 ہزار روپئی، آخبتی معذوری آ دونیم لکھ روپئی وخت اس کہ ناجوری ناحالیت اٹ ہلہلئی بنداو تیا عازم حج ءِ کشنگ نا حالیت اٹ 3لکھ روپئی ادا کننگک۔