صدر مملکت ڈاکٹر عارف علوی نا چینی ذرائع ابلاغ نا نمائندہ غاتون خصوصی ہیت وگپ

اسلام آباد۔ 28 ستمبر (اے پی پی) صدر مملکت ڈاکٹر عارف علوی پارینے کہ چین و پاکستان مدام اسہ ایلو تون تفینوو آخبت اٹی ہم تفرہ۔ السی جمہوریہ چین نا قیام نا 70 می سال دے انا بابت چینی ذرائع ابلاغ نا نمائندہ غاتون خصوصی گپ و تران کرسا صدر مملکت پارے کہ چین تینا آبادی ءِ بھاریم اس جوڑ کننگ نا جاگہ غا اودے تینا طاقت جوڑ کرے۔ صدر مملکت پارے کہ او کیہی وار چین نا دورہ ءِ کرینے و او چین نا جم اٹنگا حالیت و ہموڑے پورو کروک آ ڈٹ آتیان بے حد زہمی ءِ۔ ڈاکٹر عارف علوی پارے کہ چین ملک آن وڈی خوری نا چٹفنگ کن اسہ یکہ ءُ پالیسی اس تینا کرینے وخت اس کہ چین 80 و 90 نا دہائی ٹی ہراوڑ زرکاری ءِ تینا کنڈا چکا پاکستان ہم دا آزموندہ غاتیا فائدہ ہرفنگ خواہک۔ صدر مملکت پارے کہ ڈیہہ ٹی پاکستان و چین نا اسیجا فائدہ غاک ءُ و ہڑتوم آ ملک آتا نیام اٹ مدام کمک مسنے و دا کمکاری مدام بایدے برجاسلے۔ صدر مملکت چینی کمیونسٹ پارٹی نا کڑد انا ستاءِ کرے و پارے کہ چین اٹی بیوروکریسی نا کاریم نا کچ ءِ ودفنگ نا بابت ہرا ترندی اٹ کاریم مس او متاثر کن ءِ۔ صدر مملکت پارے کہ چین تدوک آ ہفتاد سال اٹی مثالی شونداری کرینے او دنیا نا ایلو ملک آتے کن اسہ سبخ اسے۔ صدر مملکت پارے کہ چین سوشلسٹ نظام نا رداٹ تینا الس نا زند انا آب ءِ گچین و بڑز کرینے وخت اس کہ سوشلسٹ نظام اٹی ہم جمہوری خواست آتا پبی خیال ءِ تخنگک۔