اسلام آباد۔ 28 ستمبر (اے پی پی) بنجائی وزیر داخلہ اعجاز احمد شاہ چمن دھماکہ نا ترند انگا لوز آتے ٹی مذمت ءِ کرینے و دھماکہ ٹی مروک آ جانی و مالی نسخان آ است ہسونی نا درشانی ءِ کرینے۔ ہفتہ نادے داڑے جاری مذمتی بیان اٹی اوپارے کہ تپاخت کروک آ بندغ و اوفتا خاہوت کن دعا گواُٹ، جلہو اٹی اوار عنصر آتے اوفتے اوفتا کروک نا سزا تننگک۔ اعجاز شاہ پارے کہ کانود نافذ کروک آ ادارہ غاتا عزم و حوصلہ ءِ پست کننگ نا دا بے کچ لغوری ءُ کوشست اس ئس۔ وزیر داخلہ پارے کہ ملک دشمن عنصر آک داہیت آن خوف زدہ ءُ کہ چمن اٹی معمول زند بحال و گچینی نا کنڈا ہِننگ ءِ۔ اوپارے کہ نن واپار آن ہلیس بارڈر سیکورٹی آ مروک آ کاریم ءِ برجاتخنگ ءِ المی کینہ و داڈول نا لغوری نا گام گیج آتے تینا کسر نا اڑاند مننگ کن الیپنہ۔ اوپارے کہ بلوچستان نا شونداری نا کسر اٹی اڑاند مروک آ ہر چمب انا ڈٹ کرسا مقابلہ ءِ کینہ۔
