اقوام متحدہ نا جنرل اسمبلی آن وزیراعظم عمران خان نا تاریخی تران ستاکڑزک، بنجائی وزیر پارلیمانی امور سینیٹر اعظم خان سواتی

اسلام آباد ۔ 28 ستمبر (اے پی پی) پارلیمانی امور نا بنجائی وزیر سینیٹر اعظم خان سواتی اقوام متحدہ نا جنرل اسمبلی آن وزیراعظم عمران خان نا تاریخی تران نا ستاءِ کرسا پارینے کہ وزیراعظم نا تران اسہ جہانی راہشون اسے نا تران ئس ۔ داخیال آتا درشانی ءِ او ہفتہ نادے اسہ بیان اسے ٹی کرے ۔ بنجائی وزیرپارے کہ وزیراعظم نا تران آن کشمیری الس نا جوزہ غاتا پبی عکاسی مس و اوجہانی برادری ءِ مقبوضہ دامان اٹی جاری بھارتی بیدادی آن گچین وڑاٹ معلومدار کرے ۔ اوپارے کہ وزیراعظم شون ہلوک ملک آتے اسلام فوبیا ، چاگڑدی بدلی و منی لانڈرنگ کون آ مون تروک ویل آتا بابت سرجم گپ و تران کرے و خاص کر مسلمان ملک آتے اسلام فوبیا نا مون تروک ویل آتے ہم مون آ تخا ۔ سینیٹر اعظم سواتی پارے کہ وزیراعظم عمران خان جہانی راہشون آتا مون آ پاکستان و کشمیر نا پوزیشن ءِ پیدوار وڑاٹ پیش کرے، مستین اٹ دابابت داخہ جم گپ و تران کننگتنے ۔