جہانی ادارہ متکن آ جھیڑہ جموں و کشمیر نا ایسری ٹی کمک و انسانی جان تے بچفنگ کن دمدستی گام گیج کے، عمران خان
نیویارک ۔ 27 ستمبر (اے پی پی) وزیراعظم عمران خان اقوام متحدہ نا سیکرٹری جنرل انتونیوگتریز تون اوڑدہی کرینے و جہانی ادارہ و جہانی برادری آ زور شاغانے کہ او متکن آ جھیڑہ جموں و کشمیر نا ایسری ٹی کمک و انسانی جان تے بچفنگ کن دمدستی گام گیج کے، اقوام متحدہ نا جنرل اسمبلی نا 74می دیوان نا وخت آ دا اوڑدہی مسنے ۔ وزیراعظم عمران خان تنازعہ کشمیر آ دوٹوک وڑاٹ اقوام متحدہ نا موقف ءِ پیش کننگ آ سیکرٹری جنرل انتونیوگتریز نا سفت ءِ کرے ۔ اواودے مقبوضہ کشمیر اٹی 54دے آن 80 لکھ بندغ نا جاری محاصرہ و مواصلاتی بلیک آءوٹ نا بابت معلومدار کرے کہ دُن ءُ است ہسون لاک ڈاءون ساڑی آ تاریخ اٹی جاگہ اس ہم متنے ۔ دا محاصرہ ءِ اسہ کنڈ کننگ کن بیرہ زور شاغنگ بس اف بلکن محاصرہ نا چٹفنگ کن عملی گام گیج کننگ ناگر جءِ ۔ وزیراعظم 5 اگست آ کروک آ بھارت نا غیر کانودی و اسہ کنڈی گام گیج ہراکہ اقوام متحدہ نا سلامتی کونسل نا قرارداد آتا خلاف ورزی ءِ ءِ کہ مسترد کننگ نا پاکستان نا موقف ءِ دہراءفے ۔ وزیراعظم انسانی حق آتا بارواٹ اقوام متحدہ نا ہائی کمشنر نا مقبوضہ کشمیر اٹی بھارت نا انسانی حق آتا بابت خلاف ورزی تا جامع رپورٹ نا حوالہ ءِ ترسا پیدوار کرے کہ بھارت نا ساڑی گام گیج آن انسانی حق آتا خلاف ورزی تا پوسکن ءُ باب اس مون آ بسنے ۔ اوبھارت نا غیر کانودی و غیر زموارانہ گام گیج آن علاقائی امن و سوگوی ءِ ودی مروک آ خطرہ غاتے تالان کرے ۔ اقوام متحدہ نا سیکرٹری جنرل انتونیوگتریز مقبوضہ کشمیر اٹی انسانی حق و انسانی حالیت آتیا گڑتی ظاہر کرے ۔ اوداعزم انا درشانیءِ کرے کہ او دامعاملہ غا نظر شاغک و کلہو تس کہ او دا تنازعہ نا پرامن ایسری کن تینا کمک نا سلہ غا سلوک ءِ ۔
