نیویارک ۔ 27 ستمبر (اے پی پی) مزن وزیر عمران خان ءَ گوشت کہ مقبوضہ کشمیر ءِ بھارتی مزن وزیر نریندر مودی ءِ وتی رجد دوستی، وت گنوکی ءُُ اقوام متحدہ ءِ سلامتی کونسل ءِ منوگری آنی ھلاپ ءَ چست کتگیں گامگیج آنی سبب ءَ دو ایٹمی طاقت دیم پہ دیم انت، دگنیا یک شل ءَ 55روچ ءَ چہ کرفیو، 80لکھ کشمیری زھگ، زالبول ءُُ مردم آناں بندی کنگ ءُُ بنی آدم ءِ سل تریں لگت مالی ءِ گوانک ءَ چیا چست کنگ ءَ نہ انت، دگنیا ءَ را پیسلہ کنگ لوٹ ایت کہ آ سد ارب مردم آنی مارکیٹ ءَ چار ایت یا کشمیر ءِ ظلم ، بنیاتی ھک ءَ را پیلیکگ ءُُ ریاستی زوراکی ءِ ھلاپ ءَ ھمگام ءَ اوشتیت ۔ آدینگ ءِ روچ ءَ اقوام ءِ متحدہ ءِ جنرل اسمبلی ءِ 74 دیوان ءَ گشتانک دیان ءَ کت مزن وزیر عمران خان ءَ گوشت کہ کرفیو ءِ ھلاسی ءَ چہ پد مقبوضہ کشمیر ءَ کشمیرری الس ءُُ بھارتی سیکورٹی فورسز آنی نیام ءَ ھون ءُُ ھون ریچی ءِ بیم است انت ۔ بھارت ءَ را مقبوضہ کشمیر ءِ ھاسیں بستار برجا کنگ لوٹ ایت، کرفیو چست کنگ لوٹ ایت ءُُ اقوام متحدہ ءَ را وتی منوگری آنی رد ءَ کشمیری الس آناں آوانی وت واجئی ھک ءَ را دیگ لوٹ ایت، اگاں مئے سر ءَ ارش کنگ بوت گڈا ماں وت ءَ را دست ءَ دیگ ءُُ تسلیم کنگ ءِ مٹ ءَ مقابلہ کناں ءُُ آئی ھلاپ ءَ گڈی نپس ءَ تاں جنگ ءَ مچین آ، دگنیا ءَ را پھمگ لوٹ ایت کہ اے ساھت ءَ ھرچی بوت کنت، اے دگنیا ءَ ریڈیکل اسلامت نیست بلکینگ ءَ ایوک ءَ یک اسلام ءِ است ءُُ آ حضرت محمد ﷺ ءِ اسلام انت، ایش ایمنی ءُُ بروبری، انصاف ءُُ برداشت ءِ نیک راھ انت، مغرب ءَ اسلام ءِ رسینوک اسلام محمد مصطفی ﷺ ءِ شرپ ءَ گستاکی کنگ ءِ سبب ءَ سرج میں دگنیا ءِ مسلما ن آنی جوزگ لھڈ جن اَنت ءُُ ایشی ءِ ھلاپ ءَ کار پد آنی رد ءَ آواناں ناشرکار پھمگ بیت، اسلام فوبیا ءِ سسا روبرکت ءِ وتی پیداک کتگین انت، سرج میں دگنیا ءِ مسلمان آناں چتور ناشرکار ءُُ گوشگ بوت کنت ۔ مزن وزیر عمران خان ءَ گوشت کہ امریکی ءُُ روبرکتی ملک آں فنڈنگ کتگ ءُُ پاکستان ءَ ھیل کاری داتگ ایشی ءَ چہ پد اوگانستان ءِ مردم آناں سوویت یونین ءِ ھلاپ ءَ جنگ کتگ ءُُ ایشرا جہاد ءِ نام داتگ ۔ وھد ءِ سوویت یونین ءِ اوگانستان ءَ چہ روگ ءُُ نائن الیون ءَ چہ اوگانستان ءِ سر ءَ امریکی کبزہ ءِ ھلاپ ءَ اوگان آں جنگ کت گڈا ایشرا ناشرکاری ءِ نام دیگ بوت ۔ مزن وزیر عمران خان ءَ گوشت کہ دیمروئی کنوکیں ملک آں چہ سروکی ، طاقتوریں مردم ءُ سیر لاپیں مردم ءِ کرپشن ءِ زرّ دیمروئی کنوکیں ملک آنی تہ ء َ منی لانڈرنگ ءِ وسیلگ ءَ بنت آ آھودا گران قیمتیں جائیداد بھا زور انت ءُُ بنک اکاءونٹس آنی تہ ءَ زرّ ایر کناں ءُُ وھد ءِ دیمروئی کنوکیں ملک کرپشن ءِ زرّ آں واپس زورگ ءِ کوشست ءَ کناں گڈا جوانیں کانود نہ بوھگ ءَ سبب ءَ ترندیں مشکل آں گوں دیم پہ دیمی کنگ کپ ایت ءُُ گران قیمتی وکیل آنی کمک ءَ کیس ءِ مڈگ کپ ایت ۔ کرپشن ءُُ دزئی ءِ زرّ دار ءُُ ایشی ءِ وسیلگ ءَ جائیداد جوڑ کنگ ءِ ھلاپ ءَ دیمروئی کنوکیں ملک ءُُ امیر ملک آناں وتی وتی زمہ واری پیلو کنگ لوٹ ایت ۔ اے کار ءِ دست مانجنیں مردم آنی دُزّ ءَ را دست ءَ دیگ ءِ واستہ اے ملک آناں ے زّر واپس کنگ لوٹ انت ھمودا کہ ایش دزئی کنگ بوتگ انت ۔ آئی ءَ گوشت کہ دیمروئی کنوکیں ملک آنی ایٹماسپیئر ءِ مٹ ءُُ بدلی ءِ پڑ ءَ بھر زوری سک باز کم انت ءُُ آ ایشی ءِ آسر ءَ چہ درستاں چہ گیش آماچ انت ءُُ ایشی ءِ پسو آں دیگ ءَ انت ۔ اے مٹ ءُُ بدلی آنی ھلاسی ءِ واستہ اے دیمروئی کنوک ءُُ سیرپ لاپیں ملک ایشی ءِ شنگ ءُُ تالان کنگ ءِ زمہ وار انت، ایشانی سر ءَ گر ءُُ دار ءِ واستہ ایشاناں وتی زمہ واری پیلو کنگ ءُُ الکاپیں فنڈ پجارینگ لوٹ ایت ۔ مزن وزیر عمران خان ءَ گوشت کہ مقبوضہ کشمیر ءِ جاو ھال ھمروچگیں رنگ ءَ آیگ ءِ ر د ءَ میاں اوستمانی الس ءَ را مکن کنان ءَ دوئیں ھمساگیں ملک آنی نیام ءَ ایٹمی جنگ بوت گڈا ایشی ءِ آسر نا ایوک ءَ پڑ بلکینگ ءَ سرج میں دگنیا ءِ سر ءَ نکش بنت، ما کشمیری آنی وت واجئی ءِ ھک ءُُ وت مستری ءِ ھک ءِ واستہ گڈی نپس ءَ تاں مڈاں گوں بھارت مقبوضہ کشمیر ءَ زوتیں رد ءَ کرفیو ءَ ھلاس بکنت، کیزی آناں یلو بکنت، مقبوضہ کشمیر ءِ الس آوانی وت واجئی ءِ ھک ءَ بدنت، اقوام متحدہ کشمیر الس آنی گوما وتی سوگند ءَ پیلو بکنت، بھارت اسلامی ناشرکاری ءِ شئیر ءَ جنان ءَ گیش دگنیا ءَ را گمراھ کت نہ کنت، میاں اوستمانی گشتانکار پاکستان ءَ برونت ءُُ بچار انت کہ آ ھودا ناشرکاری کیمپ نیست، ھمک چاگرد ءَ ناشرکاری بیت بلے دگنیا ءِ اچ نیک راھ ناشرکاری ءِ سبک ءَ نہ دنت، روبرکتی ملک آنی تہ ءَ گیش لھڈ بوھوکیں اسلام فوبیا ءِ سر ءَ ڈکھ بیت، گریبیں ملک آں چہ کرپٹیں سروک آنی نیمگ ءَ دُزیتگیں زرّ آئی دومی ملک ءَ چیر دیگ ءِ موہ باید انت مہ بیت، موسمی مٹ ءُُ بدلی میاں اوستمانی جیڈھ ات ایشی ءَ گوں اچ ملک ایوک ءَ گر ءُُ چیل بوت نہ کنت، دیمروئی کنوکیں ملک اے بابت ء وتی زمہ واری ءَ پیلو بکن انت، اقوام متحدہ وتی سروکی شرپ ءَ پیلو بکنت ۔ مزن وزیر ءَ گوشت کہ آئی ءَ اقوام متحدہ ءِ جنرل اسمبلی ءِ یوان ءَ وتی ملک ءِ نماھندگی کنگ ءِ پگر انت، ادا ما دگنیا ءِ استیں جیڈھ آنی سر ءَ گپ کنگ ءِ موہ رستگ، من وتی ملک ءَ مشکلیں جاور آں ابید اے فورم ءِ سر ءَ اتکگ آں ایشی ءِ سبب انچیں جیڈھ انت کہ دگنیا ءِ دلگوشی کنگ ءِ ضلورت انت ۔ آئی ءَ گوشت کہ من مرچی چار ارزشتی ایں موسمی مٹ ءُُ بدلی ، منی لانڈرنگ ءُُ کرپشن ، اسلام فوبیا ءُُ کشمیر ءِ جیڈھ ءِ سر ءَ گپ کناں ۔ مزن وزیر ءَ گوشت کہ موسمی مٹ ءُُ بدلی ءِ جیدھ آناں میاں اوستمانی تک ءَ بازیں ملک آناں دل پھک بوھگ ءَ گند گ نہ بوت انت، مئے کرا سک باز آئیڈیاز است بلے فنڈنگ ءَ ابید سوب مند سہرا بوت نہ کن آں ۔ آئی ءَ گوشت کہ مئے ملک موسمی مٹ ءُُ بدلی ءِ آسر ءَ چہ درستاں چہ گیش 10ملک آنی تہ ءَ ھوار انت، مئے کشت ءُُ کشاری ملک ات ءُُ ایش گیشاں چہ گیش کورّ آنی آپ ءِ سر ءَ انتت، ایشانی تہ ءَ 80درسد آپ گلیشیئرز آنی آپ بوھگ انت، اگاں اے رچ بند نہ بوت گدڈا ٹوھیں ڈکالے بیت ۔ آئی ءَ گوشت کہ ما موسمی مٹ ءُُ بدلی ءِ آسر آناں چم ءِ چیر ءَ کنان ءَ صوبہ خیبر پختونخوا ءَ یک ارب درچک کشتگ، نوں مئے سیم سر سرج میں ملک ءَ 10 ارب درچک کشگ انت ۔ آئی ءَ گوشت کہ موسمی مٹ ءُُ بدلی یک میاں اوستمانی جیڈھ ات ءُُ اچ ملک ایشی ءَ گوں ایوک ءَ گر ءُُ دار بوت نہ کنت، دگنیا ءَ را یکجائیں کوشست کنگ لوٹ ایت، مزن وزیر ءَ گوشت کہ دیمروئی کنوکیں مک گلوبل وارمنگ ءِ سبب ءَ جوڑ بوھوکیں گرین ہاءوس گیسز آنی یل بوھگ ءِ زمہ وار انت، پاکستان ءِ ایشی ءِ تہ ءَ اچ بھر ھوار نہ انت، امیر ملک موسمی مٹ ءُُ بدلی ءِ آسر آنی گر ءُُ دار ءِ واستہ زمہ داری پیلو بکن انت ۔ مزن وزیر ءَ گوشت کہ منی لانڈرنگ ءُُ کرپشن یک ٹوھیں جیڈھ ات، ھمک سال ارب آنی ڈالر گریبیں ملک آں چہ امیر ملک آں روان دیگ بیت ۔ بھارت ءَ گچین کاری ءَ چہ پد رابطہ کنگ بوت بلے بھارت ءِ نیمگ ءَ چہ مارا جوانیں پسو نہ رست ۔ آئی ءَ گوشت کہ بھارت ءَ مارا معاشی رد ءَ ڈگار ءَ جنگ ءِ بازیں کوشست کتگ ۔ آئی ء ۔ گوشت کہ بھارت ءَ اقوام متحدہ ءِ یازدھ منوگری ءُُ وت مہ وتی شملہ منوگری ءُُ بھارتی کانود ءَ را ڈگار ءَ جتگ مقبوضہ کشمیر ءِ ھاسیں بستار ءَ را ھلاس کتگ ۔ مزن وزیر ءَ گوشت کہ مقبوضہ کشمیر ءَ 9لکھ بھارتی اُرد ڈیوٹی ءَ جنگ بوتگ ءُُ 80لکھ کشمیری آنی بندی کنگ بوتگ، نریندر مودی ناشرکاری گل آر ایس ایس ءِ تاں زندگ باسک انت، آر ایس ایس نازی ہٹلر ءُُ میسولینی ءَ چہ سک متاسر انت، ناشرکاری آر ایس ایس بھارت ءَ مسلمان آنی کشت ءُُ ھون ءِ سر ءَ دل یکیمی دار ایت ءُُ مسلمان ءُُ عیسائی آنی ھلاپ ءَ کسد ءُُ کینگی کار کنگ ءَ انت، ھمے کسد ءُُ کینگی کار آنی سبب ءَ مہاتما گاندھی ءِ ھم جان شُت، مودی ءَ آر ایس ایس ءَ را گجرات ءَ سئے روچ ءَ مسلمان آنی کوشگ ءِ اجازت دیگ بوتگ، اے وھد ءَ آ گجرات ءِ سر وزیر بوتگ، اے واکیہ ءِ سبب ءَ آئی ءِ سر ءَ امریکہ ھم بندش جتگ بوتگ ۔ مزن وزیر عمران خان ءَ گوشت کہ مقبوضہ کشمیر ءَ نادُراھیں پیریں ، زھگ ءُُ زالبول آناں دلوت آنی وڑ ءَ کیز ءِ تہ ءَ انت ۔ مزن وزیر عمران خان ءَ گوشت کہ اگاں مقبوضہ کشمیر ءَ ھون ریچی بوت گڈا مسلمان آنی تہ ءَ ناشرکاری گیش بیت ءُُ سرج میں دگنیا ءِ مسلمان کشمیری آنی کمک ءِ واستہ ڈن ءَ در کپاں ، آ انصاف نہ رسگ ءِ وجہ ءَ سلاھ بندیں جہد ءُُ کوشست ءَ کناں ایشی ءِ نیک راھ ءَ گوں اچ سیادی نیست، اچ بنی آدم ءَ را بے شرپ کنگ ءِ سبب ءَ ناشرکاری گیش ودایت ۔ آئی ءَ گوشت کہ فروری ءَ 2ایٹمی طاقت دیم پہ دیم ءَ اوشتاتگ آں ، اقوام متحدہ وتی کرد ءَ پیلو بکنت ۔ مزن وزیر عمران خان ءَ یک رند ءِ پد ءَ تچک کت کہ ما کشمیری آنی وت واجئی ھک ءِ واستہ گڈی نپس ءَ تاں جنگ ءَ مڈاں گوں ، اگاں دگنیا ءَ اچ نہ کت ءُُ کمو رد بوت گڈا دوئیں ملک آں ی نیام ءَ روایتی جنگ مچ ات کنت گڈا ھمساگیں ملک آں چہ ھپت سرئی کسانیں ملک چتوریں پیسلہ کنت انت، من لا الہ الا اللہ ءِ سر ءَ یکیم کناں ، من دھمکی نہ دیگ ءَ آں ایوک ءَ دگنیا ءَ را ھال ءُُ سرپدی دیگ ءَ آں ، اگاں دوئیں ھمساھگیں ملک آنی نیام ءَ ایٹمی جنگ بوت گڈا ایشی ءِ آسر نا ایوک ءَ پڑ بلکینگ ءَ سرج میں دگنیا ءِ سر ءَ تالان بنت ۔ آئی ءَ گوشت کہ بھارت مقبوضہ کشمیر ءَ زوتیں رنگ ءَ کرفیو ءَ ھلاس بکنت، کیزی آناں یلو بکنت، مقبوضہ کشمیر ءِ الس آناں بنیاتی وت مستری ءِ ھک ءَ را دیگ بہ بیت ۔ اقوام متحدہ کشمیر الس آناں وت واجئی ءِ دیگ ءِ سوگند ءَ پیلو بکنت ۔ اے موہ ءِ سر ءَ جنرل اسمبلی ءِ دیوان ءِ شریک آں مزن وزیر عمران خان ءِ بن گپ ءَ را من اِت ءُُ بازیں رند ءَ چاپ جت ۔
