اسلام آباد ۔ 27 ستمبر (اے پی پی) مزن وزیر عمران خان ءَ چیئرمین این ڈی ایم اے ءَ را زمین چنڈ ءِ آماچیں مردم آنی زوت آسودگ کنگ ءِ ھوالگ ءَ حکم جاڑی کتگ وھدیکہ چیئرمین این ڈی ایم اے لیفٹیننٹ جنرل محمد افضل ءَ ٹیلی فون ءِ سر ءَ مزن وزیر ءَ را زمین چنڈ ءَ چہ بوھوکیں تاوان آنی بابت ءَ سرپد کت ۔ مزن وزیر عمران خان ءَ گران بھائیں بنی آدم ءُُ ماڑی آنی تاوان ءِ سر ءَ دلپدردی ءِ درشان کت ۔ این ڈی ایم اے نیمگ ءَ چہ جاڑی بوتگیں بیان ءِ رد ءَ مزن وزیر ءَ چیئرمین این ڈی ایم اے ءَ را توا میں آسراتی آنی کارمرد کنان ءَ آماچیں مردم آنی برجائی ءِ حکم جاڑی کت ۔ این ڈی ایم اے ءَ مزن وزیر پاکستان ءِ پنت ءُُ شون ءِ رد ءَ زمین چنڈ ءَ چہ بیرانیں بوتگیں ھمک ھاندان ءِ مردم ءَ را 5لکھ کلدار ءِ کمک دیگ ءِ پیسلہ کت ۔ ٹپیگ ءُُ ماڑی آنی تاوان ءِ کد ءُُ بالاد ءِ کساس جنگ ءَ پد کمکی پیکیج ءِ جار رند ءَ جنگ بیت ۔ چیئرمین این ڈی ایم اے ءَ اے سال 8اکتوبر ءَ نیشنل ریزیلینس ڈے زمین چنڈ ءِ آماچیں مردم ’’ میر پور‘‘ ءَ گوزینگ ءِ جار جتگ ۔
