نیویارک۔ 27 ستمبر (اے پی پی) مزن وزیر ءَ گوشت کہ من گچین بوھگ ءَ پد ھمساھگیں ملک آناں سول ءُُ تران ءِ دعوت داتگ۔ آئی ءَ گوشت کہ ملک ءَ کجام ھم سلام بندیں گل ءَ را کار کنگ ءِ موہ دیگ نہ بیت۔ ملک ءَ چہ ناشرکاری ءِ ھلاسی ءِ واستہ جوانیں گامگیج کتگ، بھارت ءَ چہ بی جے پی ءِ دووارگ گچین بوھگ ءَ پد سول ءُُ تران ءِ کوشست کتگ۔ جوانیں یکوئی مئے ایجنڈا انت، بھارت ءَ جوانیں پسو نہ دات، فروری ءَ بنگیج بوتگیں پاک بھارت کشاں چیل ءَ چہ یل شل ءَ گیشی بوتگ۔ ملک ءَ چہ سرمایہ کاری ءِ واستہ جوانیں موہ است انت۔ کشمیر ءَ ھم جاور آناں شر کنگ ءِ ضلور انت۔ یک دگہ جستے ءِ پسو ءَ مزن وزیر ءَ گوشت کہ پاکستان ءِ ایمن اوگانستان ءِ جاور آنی برورد پکار انت۔ سی پیک ءِ بنگیج ءَ چہ بھارت ءُ ھمساگیں ملک آنی پریشانی بوتگ، پڑ ءَ چین ءُُ بھارت ٹوھیں میاں اوستمانی منڈی انت۔ آئی ءَ گوشت کہ پڑ ءِ دیمروئی ءِ واستہ سرجمیں ایمنی ءُ برجائی ضلوری انت۔ پڑ ءَ ایمنی ءَ چہ دگنیا ءِ ٹوھیں کمپنی سرمایہ کاری ءِ واستہ تیار بنت انت۔ مزن وزیر ءَ گوشت کہ دیمروئی کنوکیں ملک آناں لٹ ءُ پُل وڑیں ھوپ ءَ گوں دیم پہ دیمی انت۔ کرپشن ءَ چہ ملکی معاشی جاور تباہ ءُُ کلدار ءِ کد ءُُ بالاد ءِ تہ ءَ کمی بوتگ دگنیا ءَ منی لانڈرنگ ءِ گر ءُ دار ءِ واستہ ترندیں کانود جوڑ کنگ ءِ ضلورت انت۔ آئی ءَ گوشت کہ پاکستان ءَ چہ زرّ ءِ درزی کنان ءَ ڈن ملک ءَ روان ایر کتگ منی لانڈرنگ ءِ سبب ءَ پاکستان ءَ مشکلیں مالی جاور آنی گوما دیم پہ دیمی انت مزن وزیر ءَ گوشت کہ کیوبا ءِ ڈکال ءَ چہ پد دوئیں ایٹمی ملک دیم پہ دیم انت۔ فروری ءَ بھارت ءَ پاکستان ءِ سر ارش ءِ بندات کت۔ پاکستان ءَ بھارتی ارش کنگ ءَ را جوانیں پسو دات۔ ملکی فضائی سیم سر آنی ھلاپ ءَ دو بھارتی بالیگ جت انت۔ گوستگیں وھد ءَ بوھوکیں جنگ آنی ھوالگ ءَ ردیں اندازگ جنگ بوتگ اَنت۔ ناشرکاری ءِ ھلاپ ءَ جنگ ءَ 70ہزار جانی کربانی داتگ۔ پاکستان ءَ ناشرکاری ءِ ھلاپ ءَ جنگ ءَ ارب آنی نکسان برداشت کتگ۔ ایشیا ء سوسائٹی ءِ مراگش ءَ گوں گشتانک دیان ءَ مزن وزیر عمران خان ءَ گوشت کہ اگاں رودراتکی نیامی ملک آں جنگ ءِ بندات بوت گڈا گریبی گیش بیت۔ بھارت ءَ ھرچی بوھگ ءَ انت ٹوھیں تباھی ءِ ربالو ات۔ نریندر مودی آر ایس ایس ءِ لیکہ آنی سر ءَ کار کنگ ءَ انتل۔ آر ایس ایس پھم ایت کہ بھارت ایوک ءَ ہندو آنی سر ڈگار انت۔ بھارت ءَ مسلمان آنی ھلاپ ءَ کسد ءُُ کینگی موسم ءِ بنگیج بوتگ۔ بھارت ءَ مسلمان ایوک ءَ اناں عیسائی ھم لگت مالی ءِ آماچ انت۔ بھارت ءَ آر ایس ایس ءَ را سئے رند ءَ ناشرکاری گل نامینتگ۔ عمران خان ءَ گوشت ک نریندر مودی ءَگاندھی ءُُ نہرو ءِ لیکہ آناں سستگ ءُُ دور چگل داتگ۔ ھمے ھاترا نوں دگنیا مننگ ءَ انت کہ قائداعظم ءِ دو راجی لیکہ راست بوتگ انت چیا کہ بھارت ءِ گوما ھوار بوھوکیں ریاست نوں پشومان بوھگ ءَ انت۔ بھارت ءِ نیکراھی گنوکی نیک راھ آنی واستہ بیم ءِ جوڑ بوھگ ءَ انت۔کشمیر ءِ جاور ھال اقوام متحدہ ءِ یک شلیں ناکامی ات۔ آئی ءَ گیش تران کت ءُُ گوشت کہ 80 ءِ زمانگ ءَ برطانیہ ءَ مجاہدیں آنی واستہ فنڈز جم کنگ بوتگ۔ امریکی ءُُ روبرکتی ملک آں مجاہدین آنی جوانیں کمک کتگ۔ اوگانستان ءَ چہ روس ءِ در آیگ ءَ چہ پد مجاہدین ناشرکار بوت انت۔ اوگانسان ءَ طالبان آنان جہاد ءِ واستہ امریکی ءَ تیار کت۔ طالبان روس ءِ ھلاپ ءَ جنگ کن آں گڈا جہاد ءُ امریکہ ءِ ھلاپ ءَ جنگ کناں گڈا ناشرکار۔ آئی ءَ گوشت کہ چین ءَ ھمک سکیں ساھت ءَ پاکستان ءِ کمک کتگ ءُُ چین پاکستان ءِ وت واجئی ءَ اچ رنگیں دست مانجنی نہ کنت۔
