نیویارک ۔ 26 ستمبر (اے پی پی) مزن وزیر عمران خان ءَ گوشت کہ گریبیں ملک آں چہ منی لانڈرنگ کنوک آں گوں ناشرکار آنی مالی کمک کنوک آں گوں ھرچ رنگیں سلوک کنگ لوٹ ایت، ناشرکاری ءِ رد ءَ منی لانڈرنگ ءَ چہ گیش مردم آماچ بوھگ ءَ انت ۔ اے ھیالانی درشانی آئی ءَ اقوام متحدہ ءِ ٹرسٹی شپ کونسل ءِ چیر دستی ءَ دیمروئی ءِ واستہ مالیات ءِ ھوالگ ءَ مزن تک ءِ سول ءُُ تران ءَ گوں گشتانک دیان ءَ کت ۔ مزن وزیر عمران خان ءَ گوشت کہ کہ ناشرکار آنی مالی کمک ءَ چہ لس مردم بیران بنت ءُُ روبرکت اے ھوالگ ءَ پریشان انت، منی لانڈرنگ ءِ گوما ھم منشیات ءِ زرّ ءُُ ناشرکار آنی مالی کمک کنوک آنی ھلاپ ءَ سلوک کنگ لوٹ ایت چیا کہ ایشی ءَ چہ سک باز مردم آماچ بوھگ ءَ انت ۔ پدا ھم ایشی ءِ وساتہ امیریں ملک آنی گوما سیاسی جزم ءِ ضلورت انت ۔ آئی ءَ گوشت کہ مالیاتی رمبگ ءَ چہ امیریں ملک ھم آماچ بوھگ ءَ انت پدا ھم ایشی ءَ چہ گریبیں ملک سرج میں رنگ ءَ تباہ ءُُ برباد بنت، دگنیا ءَ را ایشی ءِ گر ءُُ دار کنگ لوٹ ایت ۔ ایشی ءِ سبب ءَ چہ نوک دیمروئی کنوکیں ملک آنی تہ ءَ گریبی، مرگ ءُُ تباھی کئیت ۔ آئی ءَ گوشت کہ نوک دیمروئی کنوکیں ملک آنی مجرم سروک ایلیٹ کلاس ءَ را دولت ءِ ڈن ءَ برگ ءَ چہ دارگ بہ بیت ۔
