مز ن وزیر عمران خان ءَ بل اینڈ میلنڈا گیٹس فاءونڈیشن ءِ شریک چیئرمین بل گیٹس ءَ گوں گند ءُُ نند ءَ تران

نیویارک ۔ 26 ستمبر (اے پی پی) مزن وزیر عمران خان ءَ گوشت کہ مزن وزیر ءِ سیٹ ءِ نندگ ءَ پد ھمزورکیں تبک ءِ مردم آنی تہ ءَ گریبی ءِ ھلاسی، ءُُ ایشاناں جان سلامتی ءُُ زانشت ءِ آسراتی ءِ پجاری آئی ءِ اولی ترجی دیگ ءِ کار آنی تہ ءَ ھوار انت، احساس پروگرام ءَ را جونیں رنگ ءَ برجا کنان ءَ جوانیں دیمروئی ءِ ھوالگ ءَ اقوام ءَ متحدہ ءِ ہزاری سیم سر آناں در جنگ بوت کنت ۔ آئی ءَ اے گپ نیویارک ءَ بل اینڈ میلنڈا گیٹس فاءونڈیشن ءِ شریک چیئرمین بل گیٹس ءَ گوں گند ءُُ نند ءَ تران کنان ءَ کت ۔ اے موہ ءَ سر ءَ گریبی ءِ ھلاسی ءِ ھوالگ ءَ احساس پروگرام ءَ را دیم ءَ جنزینگ ءِ واستہ بل اینڈ میلنڈا گیٹس فاءونڈیشن ءُُ حکومت ءِ پاکستان ءِ نیام ءَ وت مہ وتی تپاکی مسل ھم دست چنگل جنگ بوت اَنت ۔ تپاکی مسل آناں دست چنگل ءِ موہ ءَ مزن وزیر عمران خان ءُُ بل اینڈ میلندا گیٹس فاءونڈیشن ءِ شریک چیئرمین بل گیٹس ساڑی اتنت ۔ مزن وزیر ءِ ھاسیں کمکار ڈاکٹرثانیہ نشتر ءُُ بل اینڈ میلنڈا گیٹس فاونڈیشن ءِ گلوبل ڈویلپمنٹ ءِ صدرڈاکٹرکرس الییز ءَ تپاکی منگ نامہ آنی سر ءَ دست چنگل جت اَنت ۔ تپاکی منگ نامہ آنی رد ءَ بل اینڈ میلنڈا گیٹس فاءونڈیشن سٹنٹڈ گروتھ ءِ سر ءَ گر ءُُ دار کنگ ءِ پروگرام ، فنانشل انکلوژن ءِ گامگیج ءُُ جان سلامتی ءِ نظام آنی گہتری ءَ ھوار نوک ودی بوتگیں زھگ ءُُ کپتوکی ءِ ساھت ءَ بیران بوھگ ءِ تہ ءَ کمی ءِ واستہ حکومت ءِ پاکستان ءِ گوما کمک کنت ۔ ایشی ءَ چہ پیسر مزن وزیر عمران خان ءُُ بل گیٹس ءُُ کرس ایلیز ءِ نیام ءَ گند ءُُ نند ءِ تہ ءَ احساس پروگرام ءُُ اے پروگرام ءِ چیر دستی ءَ جتا جتایں شوبگ آں ی تہ ءَ فاءونڈیشن ءِ نیمگ ءَ چہ فنڈنگ ، تکنیکی کمک ءُُ پاکستان ءَ جان سلامتی، وردن ءُُ وراک ءُُ فنانشل انکلوژن ءِ شوبگ آنی تہ ءَ میا اوستمانی کلانہ آنی کمک ءِ بابت ءَ سرج میں ھیال ریچی کنگ بوت ۔ مزن وزیر عمران خان ءَ گوشت کہ احساس پروگرام ءِ چیر دستی ءَ چاگردی رکھینگ ءِ کار رھبند آنی گیش ودینگ ءُُ گریبی ءِ ھلاسی ءِ واستہ 134 نوکیں گامگیج ءُُ پروگرام آنی پالیشی ٹھینگ بوت، چاگرد ءِ گریب ءُُ کم کٹ کنوکیں مردم آنی گہتری ءُُ کمک ءِ رد ءَ اے ملک ءَ وتی جتائیں نمونگ ءِ اولی درستاں چہ مستریں پروگرام ات ۔ مزن وزیر ءَ گوشت کہ وزارت ءِ گرگ ءَ پد چاگرد ءِ ھمزور ءُُ گریب آنی وشھالی ، جان سلامتی ءُُ زانشت ءِ پجاری آئی ءِ اولی ترجی دیگ ءِ کار انت ۔ مزن وزیر ءَ اے موہ ءِ سر ءِ سر ءَ پولیو ءِ سرج میں ءَ ھلاسی ءِ جزم ءِ درشان کت ءُُ گوشت کہ ایشی ءِ گوما مائیکروپیمنٹ گیٹ وے ءُُ فنانشل انکلوژن ءَ استیں دیمروئی گامگیج آناں ھم دل یکیمی کنگ بوھگ ءَ انت ۔ گند ءُُ نند ’’ یک زالبول یک بنک اکاءونٹ‘‘ پروگرام ءِ ھم سر ءَ چار ءُُ تپاس گرگ بوت ۔ اقوام ءِ متحدہ ءَ پاکستان ءِ گشتانکار ڈاکٹر ملیحہ لودھی، مزن وزیر ءِ مشیر برائے ھزانگ ڈاکٹر عبدالحفیظ شیخ ءُُ مشیر ٹیکسٹائل عبدالرزاق داءود ھم اے موہ ءِ سر ءَ ساڑی ات ۔ یات دارگ بہ بیت کہ بل اینڈ ملینڈا گیٹس فاءونڈیشن پیسر ءَ چہ پاکستان ءَ کار کنگ ءَ انت، فاءونڈیشن ءَ سال 2020 ءَ پاکستان ءَ جتا جتائیں منصوبگ آنی تہ ءَ 200 ملین ڈالر ھرچ کنگ ءِ منصوبگ جوڑ کتگ ۔