اسلام آباد ۔ 26 ستمبر (اے پی پی) مزن وزیر عمران خان ءَ گوشت کہ پاکستان ءُُ امریکہ ءِ نیام ءَ یکوئی گوستگیں وھد ءِ مٹ ءَ گواچن ءُُ دل یکیمی ءِ سر ءَ انت، آ وھد ءَ دوئیں ملک آنی نیام ءَ بے یکیمی ءُُ شک ءُُ پک بوتگ ۔ اے گپ آئی ءَ امریکی ٹیلی ویژن نیٹ ورک ایم ایس این بی سی ءِ گوما گلگدارے ءِ تہ ءَ گوشت اَنت ۔ آئی ءَ گوشت کہ پاکستان ءُُ امریکہ اے وھد ءَ ایمنی ءِ شریکدار اَنت ءُُ ھمے رد ءَ یکوئی سک شر انت ۔ آئی ءَ گوشت کہ اوگانستان ءِ جیڈھ ءِ اچ اُردی گیواری نیست ۔ آئی ءَ گوشت کہ ایران ءِ واستہ ھمے رنگ ءِ پالیشی ءِ ھم ھلاپ کتگ ایشی ءِ آسر سرج میں دگنیا ءَ شنگ ءُُ تالان بنت ۔ یک جستے ءِ پسو ءَ مزن وزیر ءَ گوشت کہ امریکہ دگنیا ءِ طاقتور ترین ملک بوھگ ءِ بستار ءَ مقبوضہ کشمیر ءِ جاور ھال آنی تہ ءَ مٹ ءُُ بدلی آورت کت کنت، آھودا 9لکھ بھارتی اُرد آں 80لکھ مردم آناں بندی کتگ ۔ آئی ءَ گوشت کہ اچ بلدیں مردم ایٹمی وتاس آنی کارمردی ءُُ ایٹمی جنگ ءِ بابت ءَ سسا کت نہ کنت ۔
