اسلام آباد ۔ 26 ستمبر (اے پی پی)صدر مملکت ڈاکٹر عارف علوی ءَ گوشت کہ پاکستان ءُُ چین دوستیں ملک اَنت، دوئیں ملک جتا جتائیں شوبگ آنی تہ ءَ کمک ءِ ودینگ ءِ وسیلگ ءَ دوستی ءُُ یکوئی آناں گیش ودینگ ءَ انت، دوئیں ملک یکجائی ءَ دیم ءَ جنزگ ءَ انت ۔ آ پنچ شمبے ءِ روچ ءَ چینی سفارتخانہ ءَ السی جمہوریہ چین ءِ برجائی ءِ 70سال ءِ سرجم بوھگ ءِ ھوالگ ءَ مراگش آنی رد ءَ چینی سفیر ءِ نیمگ ءَ داتگیں شپ ءِ شام ءِ ساھت ءَ گشتانک دیگ ءَ ات ۔ شپ ءِ شام ءِ دیوان ءَ چیئرمین سینیٹ صادق سنجرانی ، بنجاھی وزیر ، پارلیمنٹ ءِ باسک ، سفارتکار، کلانہ ایں سول ءُُ اردی اپسرگ ھوار اتنت ۔ اے موہ ءِ سر ءَ پاک فضائیہ ءِ سروک ائیر چیف مارشل مجاہد انور خان ھم ساڑی ات ۔ صدر ءِ مملکت ءَ گوشت کہ چین پاکستان اقتصادی راہداری ءِ دومی بھر ءِ بنگیج بوتگ ۔ صدر ءَ گوشت کہ چین پاکستان اقتصادی راہداری ءِ دومی برھ بنگیج بوتگ، پاکستان اقوام متحدہ ءِ سلامتی کونسل ءَ کشمیر ءِ جیڈھ ءِ سر ءَ پاکستان ءِ کمک کنگ ءِ پد ءَ چین ءِ شگر ءُُ منت گپت ۔
