نیویارک ۔ 26 ستمبر (اے پی پی) وزیر ءِ درئی کار شاہ محمود قریشی ءَ نیویارک ءَ متحدہ عرب امارات ءِ وزیر ءِ درئی کار عبداللہ بن زید النہیان ءِ نیمگ ءَ چہ داتگیں شپ ءِ شام ءَ دیوان ءَ بھر زوری کت ۔ یو اے ای ءِ وزیر ءِ درئی کار عبداللہ بن زید النہیان ءَ وزیر ءِ درئی کار مخدوم شاہ محمود قریشی ءَ را جوانیں رنگ ءَ وش اتک کت ۔ وزیر ءِ درئی کا ر مخدوم شاہ محمود قریشی عشائیہ دیوان ءِ ساھت ءَ جتا جتا ئیں ملک آنی وزیر ءِ درئی کار ءَ گوں گند ءُُ نند کت ۔ مخدوم شاہ محمود قریشی ءَ گوشت کہ مزن وزیر عمران خان کشمیری آنی سفیر ءِ بستار ءَ اقوام متحدہ ءِ جنرل اسمبلی ءِ دیوان ءَ اتکگ تانکہ مقبوضہ جموں کشمیر ءَ جاڑی ایں بنی آدمی ھک آنی لگت مالی ءُُ بھارت ءِ دروگیں پروپیگنڈا آناں سرج میں دگنیا ءِ دیم ءَ سہرا بکنت ۔
