راولپنڈی ۔ 26 ستمبر (اے پی پی)پاک اُرد ءِ سروک جنرل قمر جاوید باجوہ ءَ یک رند ءِ پد ءَ و تی جزم ءِ درشان کت کہ کشمیر مئے روح انت ، کشمیر ءِ جیڈھ کشمیری آنی واھشت ءُُ یو این ءِ منوگری آنی رد ءَ گیوار بیت، ما کشمیری برات ءُُ گہار آنی گوما ھمگام ءَ اوشتاتگ آں ، آواناں اچبر بے امیت نہ کناں ، ما لائن آف کنٹول ءِ دوئیں نیمگ ءَ نندوکیں کشمیر آنی گوما اَنت ۔ پاک اُرد ءِ شوبگ (آئی ایس پی آر) ءِ رد ءَ پنچ شمبے ءِ روچ ءَ پاک اُر د ءِ سروک جنرل قمر جاوید باجوہ ءَ گوں آزات کشمیر ءَ گوں سیادی داروکیں نودربر ءُُ یوتھ پارلیمنٹ ءِ باسک آں گند ءُُ نند کت ۔ اے موہ ءِ سر ءَ گشتانک دیان ءَ آئی ءَ گوشت کہ یوتھ ءِ یکیمی آناں گیش ودینان ءَ گوشت کہ نودربر جزم ءِ تہ ءَ بہ بنت، محنت بکن اَنت، وت ءُُ راجی سروکی ءِ سر ءَ دل یکیم بہ باں ، محنت ءَ جاڑی بدار انت چیا کہ شمے کامیاتی پاکستان ءِ کامیاتی انت ۔ آئی ءَ گوشت کہ مقبوضہ کشمیر ءَ بھارتی کرفیو بنی آدمی ھک آنی لگت مالی انت ایشی ءَ ھوار بھارت پہ زانت شہری آباتی آناں نشانگ بندگ ءَ انت ۔ آئی ءَ گوشت کہ کشمیر سرڈگاری جیڈھ ءِ نہ ات بلکینگ ءَ مئے کشمیری الس آں گوں واھگ ءُُ دوستی ءِ ریشگ است، بھارت ءِ نیمگ ءَ چہ مقبوضہ کشمیر ءَ کودکیں شہری آنی چپ ءُُ چاگرد کنگ بنی آدمی ھک آنی ھلاپ کنگ ءِ سل تریں درور انت ۔
