اسلام آباد ۔ 26 ستمبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ میاں اوستمانی تک ءَ اسلام ءِ راستیں لکا ءَ را سہرا کنگ ءِ واستہ پاکستان ءُُ ترکی ءِ میڈیا ءِ نیام ءَ کمک المی انت ۔ آ آدینگ ءِ روچ ءَ ترکی ءِ سفیر مصطفی یردکل ءَ گوں تران کنگ ءَ انت آئی ءَ اسلام آباد ءَ آئی ءَ گوں گند ءُُ نند کت ۔ آئی ءَ گوشت کہ مسلم دگنیا ءَ سئے سروک طیب اردوان، مہاتیر محمد ءُُ مزن وزیر عمران خان ءِ نیام ءَ بوھوکیں گپ ءُُ تران آنی رد ءَ مئے ٹوھیں نیک راھ ءِ ھوالگ ءَ استیں غلط فہمی آناں دور کنگ المی انت ۔ آئی ءَ ترکی ءِ صدر طیب اردوان ءِ نیمگ ءَ چہ اقوام متحدہ ءِ جنرل اسمبلی ءَ گشتانک ءِ ساھت ءَ کشمیر ءِ ایشو ءِ کمک ءِ توسیپ کت ۔ آئی ءِ تہ ءَ ترک صدر ءَ 72 سالی کشمیر ءِ جیڈھ ءِ سر ءَ میاں اوستمانی برات آنی دلگوش دیگ ءِ اپیل کت ۔ ڈاکٹر فردوس عاشق اعوان ءَ اقوام ءِ متحدہ ءِ منوگری آنی رد ءَ جموں کشمیر ءِ جیڈھ ءِ گیواری ءِ واستہ جوانیں کمک ءِ پد ءَ پاکستا ءِ نیمگ ءَ چہ ترکی ءِ شگر ءُُ منت گپت ۔ آئی ءَ گیش تران کت ءُُ گوشت کہ ترکی ءِ سرکاری ءُُ پرائیویٹ سیکٹر ءَ یک ڈلے زوت پاکستان ءِ تر ءُُ تاب ءَ کنت ایشی ءَ چہ دوئیں ملک آنی نیام ءَ سیل ءُُ سواد ءِ پڑ ءَ وت مہ وتی کمک ءِ تہ ءَ گیشی کئیت ۔
