نیویارک۔ 26 ستمبر (اے پی پی) وزیر خارجہ مخدوم شاہ محمود قریشی ءَ گوشت کہ اسلامی ملک آنی گوما براتی آناں دیمروئی مئے درئی پالیشی ءِ ارزشتی ایں بھر ات۔ نیویارک ءَ جاڑیگیں اقوام متحدہ جنرل اسمبلی ءِ ھپتاد ءُُ چارمی دیوان ءِ موہ ءَ برجم داشتگیں خلیج کمکی کونسل ءِ دیوان ءَ گشتانک دیان ءَ کت آئی ءَ گوشت کہ اسلامی ملک آنی گوما توامیں برات اسلامی ملک آنی گوما ٹوھیں شوبگ آنی تہ ءَ دو نیمگی کمک ءِ واستہ جزم است ان۔ شاہ محمود ءَ گوشت کہ پاکستان ءُُ خلیجی ملک آنی نیام ءَ کوھنیں نیک راھی دود ءُُ ربیدگی ءُُ سرڈگاری ھمگونگی است، ایشاناں کارمرد کنان ءَ دو نیمگی تجارتی ءُُ اقتصادی کمک ءَ جوانیں گیشی بوت کنت۔ پاکستان فناشل ایکشن ٹاسک فورس ءِ نیمگ ءَ داتگیں سیم سر آنی سرجمی ءِ واستہ کار کنگ ءَ انت، ایف اے ٹی ایف فورم ءِ سر ءَ پاکستان ءِ کمک ءِ سر ءَ جی سی سی ءِ منت وار آں، امیت انت کہ آیوکیں ماھ ءَ پیرس ءَ بوھوکیں ایف اے ٹی ایف ءِ دیوان ءَ ھم جی سی سی ءِ نیمگ ءَ کمک پکار بیت۔
