نیویارک۔ 26 ستمبر (اے پی پی) اسلامی کمکی گل (او آئی سی) ءَ یک رند ءِ پد ءَ بھارت ءِ سر ءَ زور پر دات کہ آ مقبوضہ کشمیر ءِ چپ ءُُ چاگرد کنگ ءَ را زوت ھلاس ءُُ دزگیر کتگیں مردم آناں یلو بکنت۔ کشمیر میڈیا سروس ءِ رد ءَ اقوام متحدہ ءِ جنرل اسمبلی ءِ دیوان ءِ موہ ءَ کشمیر ءِ بابت ءَ اسلامی کمکی گل ءِ رابطہ گروپ ءِ ھاسیں دیوان ءِ برجم دارگ بوت۔ دویان ءَ مقبوضہ کشمیر ءِ استیں جاور ھال آنی سر ءَ ھیال ریچی کنگ بوت ءُُ کشمیر ءِ استیں جاور ھال ءُُ آھودا بھارتی فورسز آنی نیمگ ءَ جاڑیگیں بنی آدمی ھک آنی لگت مالی ءِ سر ءَ ترندی ءَ دلپدری ءِ درشان کت۔ دیوان ءَ چہ پد یک یکجائیں جار ءِ جاڑی کنگ بوت ایشی ءِ تہ ءَ کشمیر ءِ چپ ءُُ چاگرد کنگ زوت ھلاس کنگ، توامیں دزگیریں شہری آناں یل کنگ بہ بی ءُُ کشمیر ءِ ھاسیں بستار برجا کنگ بہ بیت۔ جار ءِ تہ ءَ گوشگ بوت کہ جموں کشمیر پاکستان ءُُ بھارت ءِ نیام ءَ یک بنیاتی کشاں چیل ءِ است ءُُ زرّباری ایشیا ءَ مھکمیں ایمنی ءُُ سلامتی ءِ واستہ اے کشاں چیل ءِ گیواری المی انت۔
