مزن وزیر عمران خان ءَ گوں ہیومن رائٹس واچ ءِ ایگزیکٹو ڈائیریکٹر ءِ گند ءُُُ نند، مزن وزیر عمران خان ءَ مقبوضہ کشمیر ءَ ہندوستانی ارد ءِ نیمگ ءَ بنی آدمی ھک آنی لگت مالی ءِ ھوالگ ءَ سرپد کت

نیویارک۔ 26 ستمبر (اے پی پی) مزن وزیر عمران خان ءَ ہیومن رائٹس واچ ءِ ایگزیکٹو ڈائریکٹر ءَ گند ءُُ نند کت ایشی ءَ ساھت ءَ گپ ءُُ تران کنان ءَ مزن وزیر عمران خان ءَ مقبوضہ کشمیر ءَ ہندوستانی اُرد ءَ نیمگ ءَ چہ کشمیری آنی بنی آدمی ھک آنی لگت مالی ءِ ھوالگ ءَ زانت ءُُ سرپدی دات۔ مقبوضہ کشمیر ءِ راجدپتر ءِ درستاں چہ مستریں ظلم ءُ زوراکی ءِ بیم انت۔ مزن وزیر عمران خان ءَ گوشت کہ بھارت پڑ ءِ آباتی ءَ را آماچ کنگ ءَ انت۔ اندازگ ءِ رد ءَ 15ہزار ورنا آنان گیر کانودی رنگ ءَ بندی کنگ بوتگ۔ آئی ء َ گوشت کہ بنی آدمی ھک آنی میان اوستمانی گل بھارت ءَ وتی نماھندگ آناں کشمیر ءِ روگ ءِ اجازت بدینت۔ مزن وزیر عمران خان ءَ گوشت کہ من ادا کشمیر ءِ سفیر ءِ بستار ءَ اتکگ آں ءُُ من جوانیں رنگ ءَ کشمیری آنی کیس ءَ پیش کن آں۔