نیویارک۔ 26 ستمبر (اے پی پی) امریکی صدر ڈونلڈ ٹرمپ ءَ گوشت کہ آئی ءَ بھارت ءُُ پاکستان ءِ سروک آں گوں وری جتا جتائیں گند ءُُ نند ءِ ساھت ءَ کشمیر ءِ جیڈھ ءِ سر ءَ ھیال ریچی کت ءُُ دوئیں ایٹمی ملک آناں وت مہ وت سلاھ کنگ ءَ کمک کنگ ءِ پیشوکی گوشت، ایش کشمیر ءِ جیڈھ ءِ گیواری ءِ سر ءَ کار کنگ لوٹ ایت۔ اقوام متحدہ ءِ جنرل اسمبلی ءِ 74دیوان ءَ بھر زورگ ءَ پد ٹرمپ ءَ چار شمبے ءَ وتی ہوٹل ءَ یک ٹوھیں مچی ءَ گوں تران کنان ءَ نیوز کانفرنس ءَ گوں گشتانک دات۔ آئی ءَ گوشت کہ من اے سروک آناں گوشتگ کہ براتاں اے جیڈھ ءِ گیواری ءِ واستہ کار بکن ات۔ نوں ایشی ءِ سر ءَ کار بکن ات۔آئی ءَ گوشت کہ آئی ءَ 193باسکی اسمبلی ءِ ساھت ءَ مزن وزیر پاکستان عمران خان ءُُ آئی ءِ ہندوستانی ھمکار نریندر موی ءِ گوما ”مول ءُُ مرادی“ گپ ءُُ تران کتگ۔ ما کشمیر ءِ بابت ءَ گپ کتگ ءُُ ما اے سروک آنان سلاھکار ءِ بستار بوھگ ءِ پشوکی گوشتگ۔ یات دارگ بہ بیت کہ مزن وزیر مودی ءَ مقبوضہ کشمیر ءِ ھاسیں بستار ءَ را ھلاس کنگ ءَ را ”ھراب نامینتگ“ ءُُ ریاست ءِ لاک ڈاؤن دارگ، فون ءُُُ انٹرنیٹ ءِ رسانک ءِ بند کنگ، ہزارانی مردم، ھاسیں رنگ ءَ کم اُمبر جنک، ءُُ سیاسی سروک آنی دزگیری ءَ چہ پد، کشاں چیل ءِ تہ ءَ گیشی بوتگ، مزن وزیر عمران خان ءَ دو شمبے ءَ بوھوکیں وتی گند ءُُ نند ءَ صدر ٹرمپ ءِ سر ءَ زور دات کہ آ کشمیر ءِ جیڈھ ءَ را چست بکنت، بلے بھارت ءَ کجام ھم نمونگ ءِ سلاھکار بوھگ ءَ چہ بُکگ جتگ۔
