نیویارک ۔ 25 ستمبر (اے پی پی) ایران ءِ صدرحسن روحانی ءَ گوشت کہ اگاں امریکہ اے ملک آنی سر ءَ بندش ءَ ھلاس بکنت گڈا آ ایران ءُُ شش ٹوھیں طاقت آنی نیام ءَ 2015ءِ ایٹمی منوگری آں ھمروچگیں رنگ ءَ مٹ ءُُ بدلی، گیشی ءِ واستہ تیار آں ۔ امریکہ صدر ءِ استیں گند ءُُ نند ءَ چہ پیسر دل یکیمی ءَ را برجا کنگ ءِ ضلورت انت ۔ دونیمی نیمگ ءَ فرانس ءِ صڈر ایمانوئیل میکخواں ءَ ایران ءُُ امریکہ ءِ سر ءَ سول ءُُ تران ءِ کشک جوڑ کنگ ءِ واستہ گوشتگ ۔ آئی ءَ گوشت کہ اگاں ایران ءِ صدر حسن روحانی ءُُ ڈونلڈ ٹرمپ ءِ نیما ءَ گند ءُُ نند نہ بوت گڈا اقوام ءِ متحدہ ءِ سروک دیوان ءَ چہ رستیں موہ پورت بنت ۔ ادا اقوام ءِ متحدہ ءَ اھوالکاراں گوں تران کنان ءَ جرمن چانسلر انجیلا مرکل ءَ گوشت کہ ایران ءِ نیمگ ءَ چہ امریکہ بندش آنی سر ءَ ریلیف ءِ لوٹ کنگ گواچن ءَ چہ گستا انت ۔