نیویارک ۔ 25 ستمبر (اے پی پی) مزن وزیر عمران خان ءَ کسد ءُُ کینگی گشتانک ، اسلام فوبیا ءِ ھلاپ ءَ جوانیں گامگیج ءِ زور دیان ءَ گوشت کہ اے رنگیں واکیہ آنی گر ءُُ دار ءِ واستہ ایشانی سسب گیوار کنگ لوٹ انت ۔ اے ھیالانی درشانی آئی ءَ چار شمبے ءِ روچ ءَ پاکستان ءُُ ترکی ءِ چیر دستی ءَ کسد ءُُ کینگی بیانیہ ءِ گر ءُُ دار ءِ ھوالگ ءَ کانفرنس ءَ گشتانک دیان ءَ کت ۔ مزن وزیر کارگس ءِ میڈیا ونگ ءِ جاڑی بوتگیں نیام ءِ رد ءَ مزن وزیر ءَ گوشت کہ کسد ءُُ کینگ ، نیک راھی یکوئی آنی رد ءَ کشاں چیل ءِ واکیہ گیش بوھگ ءَ انت، نیک راھ آنی اچ سیادی گوں ناشرکاری ءَ نہ انت ۔ آئی ءَ گوشت کہ دگنیا ءَ اسلام ءِ ھوالگ ءَ مسلمان آنی ساپ دلی ءُُ حضرت محمدﷺ ءِ سوج داتگیں زانشت ءَ را پھمگ لوٹ ایت ۔ آئی ءَ گوشت کہ کجام ھم تبک ءِ مردم آنی پشت مندگی ناشرکاری ءَ را ودی کنت ۔ آئی ءَ گوشت کہ سرج میں دگنیا ءِ کمیونٹیز آنی نیام ءَ جوانیں یکوئی ءُُ سگ ءُُ اوپار کشی ءَ را دیمروئی دیگ ءِ ضلورت است انت ۔ مزن وزیر ءَ گوشت کہ اقوام متحدہ ءَ را کسد ءُُ کینگی گشتانک آنی رد ءَ باج برئی ءِ واستہ مول ءُُ مرادی باست ءُُ واستہ ءِ درگت ءَ ارزشتی ایں پلیٹ فارم ءِ پجارینت کنت ۔ آئی ءَ گوشت کہ نائن الیون ءَ چہ پد ناشرکاری ءَ را مسلمان آنی گوما بندوک کنگ بوتگ، بد بھتی ءَ چہ روبرکتی ملک آنی سروک آں ناشرکاری ءَ را سلام ءَ گوں بندوک کتگ، بدبھتی ءَ چہ ناشرکاری ءُُ کشاں چیل ءُُ وت کشیں ارش ءَ را ھم اسلام ءَ گوں بندوک کتگ ۔ آئی ءَ گوشت کہ نائن الیون ءَ چہ پیسر 75 درسد وت کشیں تراک تامل ٹائیگر آں کتگ آ ہندو بوتگ اَنت، اچ کس ءَ ہندو نیک راھ ءَ را ناشرکاری ءَ گوں بندوک نہ کتگ ۔ آئی ءَ گوشت کہ ایشی ءَ چہ پیسر جاپان ءِ اُرد آں ھم دومی ٹوھیں جنگ ءِ ساھت ءَ وت کشی کتگ بوتگ ۔ مزن وزیر ءَ گوشت کہ مسلمان یک اسلامے ءِ سر ءَ یکیم دار انت ۔ ایشی ءِ زانشت ءُُ ھیل کاری رسول پاکﷺ ءَ داتگ ۔ آئی ءَ گوشت کہ نیوزی لینڈ مسیت ءَ مسلمان آناں کوشگ بوت بلے ایشی ءِ سیادی گوں نیک راھ ءَ بندگ نہ بوت ۔ آئی ءَ گوشت کہ بھارت ءَ راج دوستیں ناشرکار سروکی ءَ اتکگ اَنت ۔ آئی ءَ گوشت کہ روبرکتی مردم نہ زان اَنت کہ مسلمان آناں مھتر اسلام محمد مصطفی ﷺ کجام ھد ءُُ ابیل ءَ چہ دوست انت ۔ مسلمان سروک آں روبرکتی چاگرد ءَ تلپچ کت نہ کت کہ توہین رسالت ءَ چہ مارا چنکیاس دلپدردی بیت، رسول پاکﷺ ءِ شان ءَ گستاخی ءَ چہ ھمک مسلمان ءِ دل بے کساس گمیگ بیت ۔ آئی ءَ گوشت کہ روبرکت ءَ ہولوکاسٹ ء، سلرل ءَ گپ کنگ نہ بیت چیا کہ یہودی آنی دل آزاری بیت، مئے مھتر ءِ شان ءَ گستاخی ءَ چہ مسلمان آنی دل سک باز دل آزاری بیت ۔ اے موہ ءِ سر ءَ گشتانک دیان ءَ ترکی ءِ صدر رجب اردوان ءَ لیکہ آنی درشانی یے آزاتی ءُُ نیک راھی آزادی ءِ استیں ھک ءِ نیام ءَ پرک ءِ زور پر دات ۔ آئی ءَ گوشت کہ سرج میں دگنیا ءَ مسلمان کسد ءُُ کینگی گشتانک آں چہ درستاں چہ گیش آماچ اَنت، کسد ءُُ کینگی گشتانک بنی آدمی ھک آنی لگت مالی ءِ درستاں چہ مستریں سبب جوڑ بنت ۔
