نیویارک ۔ 25 ستمبر (اے پی پی) مزن وزیر عمران خان ءَ گوشت کہ مقبوضہ کشمیر ءَ ٹوھیں کشت ءُُ ھون ءِ بیم انت، ءُُ دگنیا ءَ را ایشی ءَ چہ بچگ ءِ واستہ جوانیں کرد ءِ پیلو کنگ لوٹ ایت ۔ دگنیا ءَ را مقبوضہ کشمیر ءَ بھارت ءِ گیر کانودی کپار بوھگ، یک نیمگی گامگیج ءُُ آھودا بوھوکیں بنی آدم آنی لگت مالی ءِ ھوالگ ءَ سرپد کنگ ءِ ھاترا اتکگ آں ، پاکستان اوگانستان ءَ ایمنی لوٹ ایت ءُُ ایمنی کار آناں سرجمی ءَ کمک کنت ۔ چار شمبے ءِ روچ ءَ نیویارک اھوالتاک نیویارک ٹائمز ءِ بورڈ ءَ گوں تران کنان ءَ کت ۔ مزن وزیر ءَ گوشت کہ امریکہ ءَ نندگ ءِ ساھت ءَ دگنیا ءَ را را بھارت ءِ گیر کانودی ءُُ یک نیمگی جموں ءُُ کشمیر ءِ سر ءَ کپار بوھگ ءُُ بنی آدم آنی ھک آنی لگت مالی ءِ ھوالگ ءَ سرپد کت ۔ آئی ءَ گوشت کہ ادا ھمے ھاترا اتکگ آں کہ دگنیا ءَ را باور بکنائین آں کہ ہندوستان ءَ میاں اوستمانی کانود آناں لگت مال کنگ ءَ انت ۔ اوگانستان ءِ ھوالگ ءَ مزن وزیر ءَ گوشت کہ پاکستان اوگانستان ءَ ایمنی لوٹ ایت ءُُ ایمنی ءِ کار ءَ سرجمی ءَ کمک کنت انت ۔
