نیویارک ۔ 25 ستمبر (اے پی پی) مزن وزیر عمران خان ءَ گوشت کہ مودی انتظامیہ مقبوضہ کشمیر ءَ ریاستی ناشرکاری کنگ ءَ انت، یک شل ءَ کرفیو ءَ چہ کشمیر ءِ مسلمان آنی نشل کشی ءِ بیم انت، توا میں مسلمان ملک آنی گوما یکوئی پیش دارگ لوٹ ایت ۔ گوستگیں روچ ءَ اقوام متحدہ ءِ جنرل اسمبلی ءِ موہ ءَ جموں ءُُ کشمیر ءِ ھوالگ ءَ او آئی سی رابطہ گروپ ءِ سروک آنی ڈل ءِ شرپ ءَ داتگیں شپ ءِ شام ءِ دیوان ءَ گو ں تران کنان ءَ کت مزن وزیر عمران خان ء ۔ او آئی سی ءِ باسکیں ملک آنی سر ءَ زور پر دات کہ آ مقبوضہ کشمیر ءَ بنی آدمی لگت مالی ءَ چہ بچگ ءِ واستہ آھودے جاور ھال آنی گیواری ءِ درشان ءَ بکن اَنت چیا کہ مقبوضہ کشمیر ءَ گوستگیں پنجاھ روچ ءَ چہ یک شل ءَ کرفیو جاڑی انت ایشی ءِ سبب ءَ کشمیر ءِ مسلمان آنی نسل کشی ءِ بیم است انت ۔ مراگش ءَ سعودی عرب، ترکی ، نائیجریا ءُُ آزر بائیجان ءِ درئی کارانی وزیر آں بھر زوری کت ۔ مزن وزیر ءَ گوشت کہ سرج میں دگنیا ءِ مسلمان آنی واستہ اے المی بیت کہ آ 8ملین کشمیری آنی واستہ ھمگام ءُُ ھمکوپگ ءَ بہ اوشت اَنت ۔ عمران خان ءَ گوشت کہ نو لکھ بھارتی سیکورٹی فورسز آں کشمیر ءِ مسلمان آناں بندی کتگ ءُُ مقبوضہ کشمیر ءِ دمگ ٹوھیں بنی آدمی جیل ءِ تہ ءَ مٹ بوتگ ۔ مزن وزیر ءَ اے گپ ءِ سر ءَ اپسوزی ءِ درشان کت کہ دگنیا ءَ اسلامتی ناشرکاری ءِ گالبند ءَ کامرد کنگ ءَ انت بلے وھد ءِ مسلمان آنی بنی آدمی ھک آناں پُلگ بیت گڈا آھودا ھاموش اَنت ۔ آئی ءَ گوشت کہ او آئی سی ءِ نماھندگ آناں دلگوش کنگ ءِ مول ءُُ مراد کشمیر ءِ جیڈھ ءَ را باست ءُُ واستہ ءِ تہ ءَ آرگ انت ۔ آئی ءَ گوشت کہ مسلمان ملک آیوکیں لستیں روچاں چہ سٹریٹجی ءِ ٹھین اَنت ایش جنرل اسمبلی ءِ دیم ءَ پیش کنگ بیت ۔ عمران کان ءَ بھارتی مزن وزیر معدی ءَ را ریاستی ناشرکاری ءِ بن ھشت ایر کنوک نامینت ، ھما کہ دگنیا ءِ ٹوھ تریں جمہوریت ءِ ٹوک ءَ کنت ۔ عمران خان ءَ جست گپت کہ کجام جمہوریت شہری آنی سر ءَ ظلم کنگ ءِ موہ ءَ دنت ۔
