اسلام آباد ۔ 25 ستمبر (اے پی پی) مزن وزیر عمران خان ءَ گوشت کہ ترکی، ملائیشیا ءُُ پاکستان ءَ اسلامو فوبیا ءَ گوں گر ءُُ چیل بوھگ ءِ واستہ انگریزی چینل ءِ بنگیج کنگ ءِ پیسلہ کتگ ۔ چار شمبے ءَ وتی یک ٹویٹے ءِ تہ ءَ آئی ءَ گوشت کہ ترکی ءِ صدر رجب طیب اردوان ءُُ ملائیشیا ءِ مزن وزیر مہاتیر محمد ءَ گوں گند ءُُ نند بوتگ ۔ سئیں ملک آں یکجائی ءَ انگریزی چینل ءِ بنگیج کنگ ءِ پیسلہ کتگ اے چینل ءِ مول ءُُ مراد اسلام فوبیا ءِ چیلنج آں گوں گر ءُُ چیل بوھگ ءُُ ھلاس کنگ انت ۔ آئی ءَ گوشت کہ چین ءَ چہ مسلمان آنی ھلاپ ءَ استیں ردئیں سسا آناں ھلاس کنگ بیت ۔ یکجائی چینل ءِ سر ءَ مسلمان آنی راجدپتر ءِ سر ءَ پروگرام ءُُ تامر پیش کنگ بیت ۔ عمران خان ءَ گوشت کہ چینل ءِ مول ءُُ مراد میاں اوستمانی میڈیا ءَ مسلمان آنی نماھندگی ءَ را دل یکیمی جوڑ کنگ انت ۔ آئی ءَ گوشت کہ یکجائی چینل مئے نیک راھ ءِ راستیں ترجمانی ءَ کنت، چینل ءِ وسیلگ ءَ نیک راھ ءَ را جوانیں رنگ ءَ پیش کنگ بیت ۔
